Tags-Dil

bah chukā ḳhāna-e-dil aañkh tak aa pahuñchī sail
ro.e jā aur bhī ai dīda-e-tar dekheñ to

ye bahār-o-ḳhizāñ ye ḳhushī aur ġham ye hasīñ nāznīñ dil ke patthar sanam
sab sahāre haiñ bas chaar din ke liye zindagī-bhar kā koī sahārā nahīñ

tum ho muḳhtār ye dil kī āvāz hai āḳhir is baat meñ kaun sā raaz hai
jis ko nisbat tumhāre hī dar se rahī vo muqaddar bhī tum ne sañvārā nahīñ

tai kareñ to ham kaise fāsle dil-o-jāñ ke
ek ye anā kā pul apne darmiyāñ bhī hai

ishq-e-dil meñ tuġhyānī barf barf hoñToñ par
sar-phirī bhī hai chāhat aur be-zabāñ bhī hai

shikva-sanjī apnī aadat meñ nahīñ dāḳhil magar
dil dukhā to lab pe harf-e-nāgavār aa hī gayā

hai shab-e-vasl aaj to dil bhar ke sovegā 'nazīr'
us ne ye kitne dinoñ meñ aish kī paa.ī hai raat

jo ashk surḳh hai nāma-nigār hai dil kā
sukūt-e-shab meñ likhe jā rahe haiñ afsāne

haiñ vo 'āshiq' ki jagah pā ke na nikle dil se
yaad aa.e to junūñ mujh se bhulā.e na ga.e

diyā thā ham ne dil tum ko samajh kar rāz-dāñ apnā

ye kis paikar kī rañgīnī simaT kar dil meñ aatī hai
mirī be-kaif tanhā.ī ko yuuñ rañgīñ banātī hai

ye kis kī jumbish-e-mizhgāñ raubāb-e-dil ko chhūtī hai
ye kis ke pairahan kī sarsarāhaT gungunātī hai

o kamāñ-abrū jo ik tiir lagāyā to kyā
ishtiyāq is se zyāda dil-e-naḳhchīr meñ thā

dars leñge dil ke ik be-rabt afsāne se kyā
ahl-e-duniyā chāhte haiñ tere dīvāne se kyā

thā makān-e-dil kisī aur kā pa rahā basā koī dūsrā
maiñ kisī ke hijr meñ muztarib mujhe chāhtā koī dūsrā

tamāshā ho jo dil meñ aks-e-rū-e-yār ho paidā
ki apnā ishq kā ik mahram-e-asrār ho paidā

kab dil ke chaak karne kī fursat hameñ milī
nāseh hamesha chāk-e-garebāñ siyā kiye

bastiyāñ dil kī bhī sunsān paḌī haiñ kab se
ye khañDar hī nahīñ sāyoñ ke makāñ aur bhī haiñ

aap ko kho ke tum ko DhūñDh liyā
hausla thā ye mere hī dil kā

ġham kī garmī se dil pighalte rahe
tajrabe āñsuoñ meñ Dhalte rahe