Tags-Dil

duniyā isī liye to samajh hī nahīñ sakī
yaaro hamāre dil kī zabāñ ishq ishq hai

jalte haiñ ġham se jān-o-dil-o-sīna-o-jigar
chāroñ taraf hai aag bujhā.ūñ kahāñ talak

dil kā ye haal huā hai jin se
vo bhī ehsān jatāne aa.e

kisī kā zaḳhm-e-dil dekhā na jaa.e
jigar ho to koī shahkār dekhūñ

kahūñ hasratoñ kā hujūm kyā dar-e-dil tak aa ke vo bevafā
mujhe ye sunā ke palaT gayā ki yahāñ to majma-e-ām hai

nahīñ dil ko fikr ye be-sabab gayā din kahāñ huī raat kab
mujhe roz-e-vasl hai ajab abhī sub.h thī abhī shaam hai

na vo mehmān-e-harīm-e-dil na ḳhayāl is kā muqīm-e-dil
huī qat.a rasm-e-qadīm-e-dil na payām hai na salām hai

ḳhuuñ ho ke Tapaktī hai tamannā dekho
āshuftagī-e-dil kā tamāshā dekho

kisī se rāz-e-dil kahnā ye ḳhū rusvā karātī hai
tirī ye baat tanhā.ī meñ paiham yaad aatī hai

na jaane saḳht kyuuñ hai dil tirā hairat sī hotī hai
talab paiġhām kī tere mujhe aksar rulātī hai

kabhī kabhī mire dil meñ ḳhayāl aatā hai
ki zindagī tirī zulfoñ kī narm chhāñv meñ

ishq karne meñ dil bhī kyā hai shoḳh
saikaḌoñ meñ se ik chunā hai shoḳh

dil meñ un ko basā ke dekh liyā
aag ghar meñ lagā ke dekh liyā

zindagānī vabāl-e-dosh huī
dil kī bātoñ meñ aa ke dekh liyā

aur ab kis kā e'tibār kareñ
dil ko apnā banā ke dekh liyā

ġhuncha-e-dil kabhī khilā hī nahīñ
bārhā muskurā ke dekh liyā

is rañg meñ apne dil-e-nādāñ se gila hai
jaise hameñ kul ālam-e-imkāñ se gila hai

aa ḳhanjar-e-dildār mire dil ko sunā de
shāyad tujhe kuchh merī rag-e-jāñ se gila hai

kaise dil-e-tanhā ne banā.e haiñ muḳhātab
dīvāroñ se shikva dar-e-zindāñ se gila hai

har taraf zehn-o-dil ke goshe meñ
haañ aur na kī bisāt hone lagī