Tags-Dil

payāmbar kī zarūrat na sharh-e-dil kā ḳhayāl
vo kis kā balā zahīñ hai kisī ko kyā ma.alūm

koī bagūla raqsāñ mere andar hai
dil-sahrā meñ jashn ke jaisā manzar hai

kaleje meñ hazāroñ daaġh dil meñ hasrateñ lākhoñ
kamā.ī le chalā huuñ saath apne zindagī bhar kī

vo ik mauj thī sar uThātī huī
kaheñ kaise dil se kinārā na thā

nahīñ payām rah-e-nāma-o-payām tū hai
abhī sabā se kaho un ke dil ko bahlā.e

dil-sitānī dilrubā.ī par ghamanD
aap ko hai ḳhush-adā.ī par ghamanD

rahm un ko hāl-e-ġham par aa gayā
dil kare be-dast-o-pā.ī par ghamanD

ab unheñ hai dil-navāzī kā ḳhayāl
thā jinheñ teġh-āzmā.ī par ghamanD

ḳhvāhish-e-jāda-e-rāhat se nikaltā kaise
dil mirā kū-e-malāmat se nikaltā kaise

us ke dam hī se to qaa.em hai mirā jāh-o-jalāl
vo mire dil kī hukūmat se nikaltā kaise

jaag baiThā huuñ to dil Duubā nahīñ hai 'aḳhtar'
soyā rahtā to musībat se nikaltā kaise

kabhī kabhī yaad meñ ubharte haiñ naqsh-e-māzī miTe miTe se
vo āzmā.ish dil o nazar kī vo qurbateñ sī vo fāsle se

nigāh o dil ko qarār kaisā nashāt o ġham meñ kamī kahāñ kī
vo jab mile haiñ to un se har baar kī hai ulfat na.e sire se

dil nahīñ mo'atabar na ho lekin
mo'atabar kyā tirī nazar bhī nahīñ

yuuñ dil kī fazā meñ khelte haiñ
rah rah ke umiid ke ujāle

sañg-dil rivājoñ kī
ye imārat-e-kohna

sañg-dil rivājoñ ke
ḳhasta-hāl zindāñ meñ

zohd se fitrī lagāo dil meñ tauqīr-e-hijāz
jaane kyuuñ us ko pasand aa.ī thī zindī kī naqāb

terī har baat mohabbat meñ gavārā kar ke
dil ke bāzār meñ baiThe haiñ ḳhasāra kar ke

rūh-e-ehsās hai tahī-dāman
dil hai yā hasratoñ kā ik madfan