Tags-Dil

jism kī chaukhaT pe ḳham dil kī jabīñ kar dī ga.ī
āsmāñ kī chiiz kyuuñ sarf-e-zamīñ kar dī ga.ī

āñdhī chalī to naqsh-e-kaf-e-pā nahīñ milā
dil jis se mil gayā vo dobārā nahīñ milā

abhī bahār ne sīkhī kahāñ hai dil-jūī
hazār daaġh abhī qalb-e-lāla-zār meñ haiñ

mujhe bechain karte haiñ ye dil ke an-ginat dhabbe
jo jaatā hai vo yādoñ ko miTā kar kyuuñ nahīñ jaatā

chāra-sāzān-e-zamāna ai dil
zahar dete haiñ davā rakhte haiñ

naġhma-e-shauq ho yā nāla-e-dil
dard-mandāna sadā rakhte haiñ

dil kī ta.amīr ko Dhā kar 'aḳhtar'
vo mohabbat kī binā rakhte haiñ

hamāre daur meñ dil bhī hai chhoTā
baḌā hai kuchh to bas ibrat baḌī hai

us ne 'ehsān' kuchh is naaz se muḌ kar dekhā
dil meñ tasvīr utar aa.ī parī-ḳhānoñ kī

ḳhvāhisheñ dil meñ jab sulagtī hoñ
kaise jiine kā aasrā kiije

jab raat kā sannāTā hotā hai dil meñ ḳhalvat hotī hai
tum chāñdnī jaise chhiTkā do aisī kaifiyyat hotī hai

aalam par jaise chhā.e hoñ mahbūb kī god meñ aa.e hoñ
ab dil kī mohabbat meñ aksar aisī mahviyyat hotī hai

jab hasrat-o-armāñ miT jaa.eñ kuchh aas na ho kuchh yaas na ho
jab maut kī niiñd aa.e dil ko bedār mohabbat hotī hai

moḌ ke baa.eñ taraf hai sañg andāzoñ kā shahr
dil sā ā.īna na le jā shīshagar koī nahīñ

ḳhayālāt rañgīñ nahīñ bolte us ko jyuuñ baas phūloñ ke rañgoñ meñ rahiye
do-rañgī suuñ jaanā guzar dil suuñ avval bazāñ jā ke vaañ ek rañgoñ meñ rahiye

nahīñ mauj-e-dariyā kī dahshat use jo ki maarā hai ġhota ho ġhavvās dil meñ
tah-e-bahr-e-vahdat meñ ġhavvās hone ko ta.alīm paane nahañgoñ meñ rahiye

shahādat mile chaar tan suuñ tujhe gar kare qatl tū pāñch mūziyāñ kuuñ dil ke
shahīdoñ kī rah saath har vaqt hamdam ho jyuuñ sher sherān jañgoñ meñ rahiye

tere jalve se mire dil kā farozāñ honā
ek zarre kā hai ḳhurshīd-ba-dāmāñ honā

ḳhatā se us kī nahīñ naam ko ġhubār-e-malāl
maiñ ro ro Daalā hai sab dil se dho huā so huā

hañse hai dil meñ ye nā-dardmand sab sun sun
to dukh ko ishq ke ai dil na ro huā so huā