Tags-Dil

shikast-e-dil kā jo ehsās ab bhī zinda hai
to phir ye hoñToñ pe haiñ muskurāhaTeñ kaisī

vajūd TuuT rahā ho to kaisī naġhmagarī
jo dil sukūñ se na ho gungunāhaTeñ kaisī

hujūm-e-fikr se dil misl-e-mauj larze hai
ki shīsha nāzuk o sahbā-e-ābgīna-gudāz

paḌā huuñ maiñ yahāñ aur dil vahīñ hai
ilāhī maiñ kahīñ huuñ vo kahīñ hai

dīvār phāñd kar na yahāñ aa.egā koī
rahne do zaḳhm-e-dil kā darīcha khulā huā

dil kī dhaḌkan tham ga.ī dard-e-nihāñ baḌhtā gayā
jal ga.ī hastī mirī lekin dhuāñ baḌhtā gayā

jise kahte ho tum ik qatra-e-ashk
mire dil kī mukammal dāstāñ hai

baḌī ajiib ḳhushī hai ġham-e-mohabbat bhī
hañsī laboñ pe magar dil pe choT khaa.e hue

dil kā ā.īna huā jaatā hai dhundlā dhundlā
kab tirā aks ise apnī safā.ī degā

jins-e-sabr-o-ḳhirad luTe 'mārūf'
mulk-e-dil fauj-e-ġham ne aa maarā

ishq kī bīmārī hai jin ko dil hī dil meñ galte haiñ
murde haiñ vo haqīqat meñ zāhir meñ phirte chalte haiñ

kaise hī dard kā sher paḌheñ ve yuuñ bhī na pūchhe kyā bak ga.e
jin ke dil patthar haiñ so kab in bātoñ se pighalte haiñ

ḳhālī bhī to kar ḳhāna-e-dil duniyā se
is ghar meñ mirī jaan ḳhudā aa.egā

dil bujhā jaa.e hai aġhyār kī shorish pe mirā
sard kartī hai tirī garmi-e-bāzār mujhe

juuñ misāl us kī numūdār huī tuuñ hī 'bayāñ'
tapish-e-dil ne kiyā ḳhvāb se bedār mujhe

kab Thahregā dard ai dil kab raat basar hogī
sunte the vo ā.eñge sunte the sahar hogī

dil par kisī kī baat kā aisā asar na thā
pahle maiñ is tarah se kabhī dar-ba-dar na thā

furqat kī aañch thī na tirī yaad kī tapish
dil sard paḌ rahā thā kahīñ ik sharar na thā

aa.e ḳhayāl apnī zamīñ kā bhī kuchh unheñ
rakhte haiñ dard dil meñ jo saare jahān kā