Tags-Dil

us balā-e-jāñ se 'ātish' dekhiye kyūñkar bane
dil sivā shīshe se nāzuk dil se nāzuk ḳhū-e-dost

ajiib naqsh banā.e haiñ vahshat-e-dil ne
magar ye ret hai is par nishāñ rahegā koī

makān-e-dil kī sabhī raunaqeñ makīnoñ se
makīn hī na rahe to makāñ rahegā koī

jo dil kī jhiil hī jazboñ se ho ga.ī ḳhālī
to apnī aañkh meñ āb-e-ravāñ rahegā koī

silsila phir se juḌā hai to juḌā rahne de
dil ke rishtoñ ko tamāsha na banā yaar mire

paTak ke rah ga.ī sar apnā rahguzāroñ se
mirī sadā dil-e-kohsār meñ samā na sakī

dil ko sukūn-e-pasti-e-sāhil se kyā ġharaz
har azm hai bulandī-e-tūfāñ liye hue

gulshan ke dil meñ aaj bhī mahfūz haiñ vo phuul
murjhā ga.e jo dāġh-e-bahārāñ liye hue

mire haath bhī zaḳhm-e-dil kī tarah maiñ TuuT gayā sāhil kī tarah
ai dard-e-ġham-e-hijrāñ tū ne kyā mujh ko diyā kyā chhīn liyā

zabāñ bahkī huī hairāñ nigāheñ
ḳhayāl-e-dil kahāñ hai tum kahāñ ho

kahūñ kyā rāz-e-dil kyuuñ kar ho bāvar
ki tum sā hī tumhārā rāz-dāñ ho

abhī se kis liye dil chhoḌ baiTheñ
jahāñ tak ho sake āh-o-fuġhāñ ho

sa.ī-e-ġhair-hāsil ko mudda.ā nahīñ miltā
be-niyāz dil ban kar dekh kiyā nahīñ miltā

us kā aa.ina hai dil jā-ba-jā nahīñ miltā
dil meñ jab ho tārīkī phir ḳhudā nahīñ miltā

ā.ina-ba-ā.īna ham ne dekh Daale dil
ek sā zamāne meñ dūsrā nahīñ miltā

tum tashaddud ke ravādār nahīñ ho lekin
amn kī dil se himāyat bhī kahāñ kī tum ne

itnā to jānte haiñ ki pahlū meñ dil nahīñ
us kī ḳhabar nahīñ ki kahāñ hai kidhar gayā

chheḌā kisī ne zikr-e-mohabbat jo ai 'hafīz'
dil par ajiib tarah kā sadma guzar gayā

sikhlā rahā huuñ dil ko mohabbat ke rañg-Dhañg
kartā huuñ maiñ makān kī ta.amīr āj-kal

tirī yādoñ kī lahreñ gher letī haiñ ye dil merā
zamīñ ghir kar samundar meñ jazīra ho hī jaatī hai