Tags-Dil

hoñge dil-o-jigar meñ nishāñ dekh lījiye
tīr-e-nazar paḌe haiñ kahāñ dekh lījiye

aa.heñ nikal rahī haiñ dil-e-dard-nāk se
fauj-e-ġham-o-alam kā nishāñ dekh lījiye

rañj-e-dil hai harā bharā ab tak
koī to hai jo shaad hai mujh meñ

ai dil kisī se mil ke bichhaḌne meñ fā.eda
muzmar hai jo visāl meñ vo sam talab na kar

bahut se ḳhvāb haqīqat meñ dil-navāz na the
bahut se log chale aa rahe haiñ jannat se

kuchh is tarah se nazar se guzar gayā koī
ki dil ko ġham kā sazā-vār kar gayā koī

dil-e-sitam-zada ko jaise kuchh huā hī nahīñ
ḳhud apne husn se yuuñ be-ḳhabar gayā koī

nazar ki tishna-e-dīdār thī rahī mahrūm
nazar uThā.ī to dil meñ utar gayā koī

kisī ke paañv kī aahaT ki dil kī dhaḌkan thī
hazār baar uThā sū-e-dar gayā koī

nasīb-e-ahl-e-vafā ye sukūn-e-dil to na thā
zarūr nāla-e-dil be-asar gayā koī

uThā phir aaj mire dil meñ rashk kā tūfāñ
phir un kī raah se bā-chashm-e-tar gayā koī

bāzār-e-dil meñ dard kā gāhak nahīñ koī
mīzān-e-ārzū meñ ziyāñ taultā huuñ maiñ

phir koī taaza suḳhan dil meñ jagah kartā hai
jab bhī lagtā hai ki likhne ko bachā kuchh bhī nahīñ

mujhe tum apnī bāñhoñ meñ jakaḌ lo aur maiñ tum ko
kisī bhī dil-kushā jazbe se yaksar nā-shanāsāna

tujhe bhulā deñge apne dil se ye faisla to kiyā hai lekin
na dil ko mālūm hai na ham ko jiyeñge kaise tujhe bhulā ke

maiñ abhī pahle ḳhasāre se nahīñ niklā huuñ
phir bhī tayyār hai dil dūsrī nādānī par

mirī zindagī ke mālik mire dil pe haath rakhnā
tire aane kī ḳhushī meñ mirā dam nikal na jaa.e

mujhe phūñkne se pahle mirā dil nikāl lenā
ye kisī kī hai amānat mire saath jal na jaa.e

kiyā ye jurm ki apne hī dil kī sunte the
yahī kaheñ ki ḳhud apnī sazā rahe the ham

us ne tirī nigāh se kyā raaz pā liye
ḳhud apne dil meñ us ne Thikāne banā liye