Tags-Dil

koī baat dil meñ vo Thaan ke na ulajh paḌe tirī shaan se
vo niyāz-mand jo sar-ba-ḳham ka.ī din se tere huzūr hai

baat koī kahāñ ḳhushī kī thī
dil ko kis baat kī ḳhushī hotī

mahak uThtā nagar nagar 'ḳhāvar'
dil kī ḳhushbū agar uḌī hotī

hijr meñ kaif-e-iztirāb na pūchh
ḳhūn-e-dil bhī sharāb honā thā

dil huā hai mirā ḳharāb-e-suḳhan
dekh kar husn-e-behijāb-e-suḳhan

dil ho gayā hai ġham se tire dāġhdār ḳhuub
phūlā hai kyā hī josh se ye lāla-zār ḳhuub

dil-jaloñ ko satāne aa.e haiñ
ġham-zadoñ ko rulāne aa.e haiñ

tū dekh use sab jā āñkhoñ ke uThā parde
mānind suvaidā ke dil biich use ghar de

bazm-e-dil-e-mushtāqāñ juuñ shām-e-ġharībāñ hai
yak jalva meñ tū raushan aa sham-e-sifat kar de

daulat se tirī sab kuchh ham paas muhayyā hai
lab ḳhushk o jigar biryāñ chashm-e-tar o dil sar de

dil mirā aaj yaar meñ hai gā
kis ḳhizāñ meñ bahār meñ hai gā

jahān-e-husn kī ra.anā.iyoñ meñ shauq kā aalam
sharārat jab bhī dil kartā hai dilbar muskurātā hai

yahī qissa hai maut-o-zindagī kā ai mire hamdam
koī apnī adā.eñ dil-rubā ke ruḳh dikhātā hai

ishq meñ ahl-e-vafā kitne aziyyat-kosh haiñ
ḳhuun dil kā ho rahā hai lab magar ḳhāmosh haiñ

vo bhī kahtā thā ki us ġham kā mudāvā hī nahīñ
dil jalāne ke alāva koī chāra hī nahīñ

guzrī huī vo rut kabhī aanī to hai nahīñ
dil ne magar ye baat bhī maanī to hai nahīñ

phir us galī na jaane pe raazī huā to hai
ab ke bhī dil ne baat nibhānī to hai nahīñ

dikhā kar ik nazar dil ko nihāyat kar gayā bekal
parī-rū tund-ḳhū sarkash haTelā chulbulā chanchal

dil hī āsūda jo nahīñ
phuul bharā har āñgan jhuuT

us kā chehra chāñd nahīñ
bole dil kā darpan jhuuT