Tags-Dil

'muzaffar' zindagī meñ farz to ik baar thā lekin
tavāf-e-ka.aba-e-dil kar chukī haiñ bārhā āñkheñ

kaleje se lagā rakhkhūñ na kyuuñ dard-e-judā.ī ko
yahī to ik dil-e-marhūm kī baaqī nishānī hai

batā.e jaate haiñ ausāf vo apnī adāoñ ke
ye shān-e-dil-raubā.ī hai ye tarz-e-jāñ-satānī hai

jalvoñ kī hai bārgāh mere dil meñ
ġhaltīda haiñ mahr-o-māh mere dil meñ

dil dhaḌaktā hai shab-e-ġham meñ kahīñ aisā na ho
marg bhī ban kar mizāj-e-yār tarsā.e mujhe

ruḳh-e-dāġh-e-dil ke sivā 'hasan' maiñ navā-e-be-dil-o-shād huuñ
inhī āshiqoñ kā hai rañg bhī unhī kāmiloñ kā hai baas bhī

haiñ shahr bhar meñ shādiyāñ har ek shaḳhs shādmāñ
kisī ke sāmne ham apne dil ke ghaav kyā kareñ

thī mutma.in nigāh bhī ke bah chukā hai sail-e-ġham
huā magar jo sahn-e-dil meñ jal-bhrāv kyā kareñ

atā ko dekh apnī zarf-e-dil kā zikr kyā saaqī
ki dariyā bhī samā hai zarf-e-dil kī vus.at meñ

vo aalam yaad hai jab dil khiñchā jaatā thā pahlū se
kashish pahlī sī kyā baaqī nahīñ lafz-e-mohabbat meñ

hamārā dil zamāne se ulajhne lag gayā hai
tumhārī hukmarānī ḳhatm hotī jā rahī hai

chupke se naam le ke tumhārā kabhī kabhī
dil Dūbne lagā to ubhārā kabhī kabhī

maiñ ne to hoñT sī liye is dil ko kyā karūñ
be-iḳhtiyār tum ko pukārā kabhī kabhī

rusvā.iyoñ se duur nahīñ be-qarāriyāñ
dil ko ho kaash sabr kā yaarā kabhī kabhī

ham ne is dil ko kahīñ aur lagāyā huā hai
aur ye haath kahīñ aur uThā.e hue haiñ

dekhne kī tujhe kuchh dil meñ hai hasrat bhī abhī
aur ye bhī ki tire shahr meñ aa.e hue haiñ

mujh se dillī kī nahīñ dil kī kahānī suniye
shahr to ye bhī ka.ī baar luTā hai mujh meñ

ye barf-mausam jo shahr-e-jāñ meñ kuchh aur lamhe Thahar gayā to
lahū kā dil kī kisī galī meñ qayām mumkin nahīñ rahegā

bhar ga.ī haiñ jholiyāñ dil kī murādoñ se 'munīr'
un ke dar pe jab kabhī dāman pasāre aa ga.e