Tags-Dil

insānoñ ke ruup meñ jis dam saa.e bhaTkeñ saḌkoñ par
ḳhvāboñ se dil chehroñ se ā.īne Darne lagte haiñ

chhoḌ deñ dair-o-haram kufr aur islām ke log
ka.aba-e-dil meñ jo dekheñ mire but-ḳhāna-e-ishq

har dil meñ chhupā hai tiir koī har paañv meñ hai zanjīr koī
pūchhe koī in se ġham ke maze jo pyaar kī bāteñ karte haiñ

dil ik daraḳht-e-zamīñ-bos baad o bārāñ se
ruteñ guzar ga.iiñ koñpal na.ī nahīñ aa.ī

ham laakh qasmeñ khā.eñ na milne kī sab ġhalat
vo duur hī se dil ko lubhā.eñ to kyā kareñ

rātoñ ke dil meñ yaad basā.eñ kisī kī ham
'aḳhtar' haram meñ vo na bulā.eñ to kyā kareñ

ham ne is shahr-e-sitamgar ke har ik zarre ko
zauq-e-sajda kī qasam sajda-gah-e-dil bāñdhā

jazba-e-dil ko ba-andāz-e-digar maiñ ne 'hayāt'
kabhī kashtī kabhī tūfāñ kabhī sāhil bāñdhā

aañsū bhī bahā kar dekh liye soz-e-ġham-e-pinhāñ kam na huā
dil meñ tirī ulfat kā sho.ala sho.ala hī rahā shabnam na huā

duniyā kī bahāroñ meñ kho kar maiñ apnī nazar se chhup jaatā
sad-shukr dil-e-āgāh mirā dil ban gayā jām-e-jam na huā

thā dāġh-e-tamannā rūh-shikan kuchh himmat-e-ġham kaam aa hī ga.ī
dil meñ to baḌe tūfān uThe aañsū na bahe mātam na huā

kab tak tū imtihāñ meñ mujh se judā rahegā
jiitā huuñ to tujhī meñ ye dil lagā rahegā

yaañ hijr aur ham meñ bigḌī hai kab kī sohbat
zaḳhm-e-dil-o-namak meñ kab tak maza rahegā

ġhāfil na rahiyo hargiz nādān dāġh-e-dil se
bhaḌkegā jab ye sho.ala tab ghar jalā rahegā

umr-e-azīz saarī dil hī ke ġham meñ guzrī
bīmār āshiqī ye kis din bhalā rahegā

kyā kaheñ ham ki guzar jaatī hai dil par kyā kyā
yaad aatī hai jo rah rah ke ināyat terī

ye na jaanā the ki us mahfil meñ dil rah jā.egā
ham ye samjhe the chale ā.eñge dam bhar dekh kar

roz hai dard-e-mohabbat kā nirālā andāz
roz dil meñ tirī tasvīr badal jaatī hai

baat bas se nikal chalī hai
dil kī hālat sambhal chalī hai

dil ko samjhāo zarā ishq meñ kyā rakkhā hai
kis liye aap ko dīvāna banā rakkhā hai