Tags-Dil

tujh se ābād ho is dil kā nagar aa bhī jā
ye makāñ tere binā ghar nahīñ hotā yaksar

jo le jaate haiñ dil merā bachānā Thes se us ko
vo hai ai sañg-dil nāzuk zyāda ābgīne se

dil ik dahne rahā gar dūsrā daa.im rahā baa.eñ
na do bāham hue dil go milā siina bhī siine se

koī rañj-o-alam aa.e na dil ke paas ai saaqī
jo ho āġhāz-e-mai-noshī moharram ke mahīne se

tumhāre nāvak-e-mizhgāñ ke sāmne ḳhūbāñ
kahāñ talak ye dil-e-dāġhdār Thahregā

ḳhadañg-ḳhurda dil aage se us ke jaatā hai
ḳhabar nahīñ ki kahāñ ye shikār Thahregā

vo ulfat kī nigāheñ hoñ vo chehroñ pe tabassum ho
muqaddas se darūñ dil pe likhā naame vafā dekhūñ

aap ko ḳhuun ke aañsū hī rulānā hogā
hāl-e-dil kahne ko ham apnā agar baiTh ga.e

rotā hai dil siyāsat-e-ahd-e-jadīd par
jab dekhtā huuñ ġham se pareshāñ bashar ko maiñ

Thukrā.e hue dil kī yaad aa.ī to kyā aa.ī
pheñkā huā shīsha thā TuuTā to sadā aa.ī

huā jaatā hai siine meñ jo dil ḳhuuñ hamdamo shāyad
kahīñ us shoḳh ko mehñdī rachānī apnī yaad aa.ī

gul-bār haiñ zulf o shāna us ke
qāmat meñ vo tavīl o dilrubā hai

dil ho hassās to jiine meñ bahut ghāTā hai
maiñ ne ḳhud apne hī zaḳhmoñ kā lahū chāTā hai

huā dil ke jaane kā ab yaqīñ ki vo dard-e-bar meñ mare nahīñ
na vo iztirāb-e-qazā kahīñ na vo hashr-ḳhez balā 'qalaq'

yahī rashk ne diye mashvare kabhī parda un kā na kholiye
mire jī hī jī meñ phirā kiye mire dil hī dil meñ rahā qalaq

vo hai iltifāt dam-e-sitam ki ziyāda is se nahīñ karam
mire chāk-e-dil kā rafū alam mire dard-e-jāñ kī davā qalaq

adū-e-ḳhīra-sarāb ho gayā baḌā ḳhurrāñT
yahī hai dil meñ ki deñ aaj us ko ham ik DaañT

ham ko hamārī mahrūmī kī qīmat miltī rahtī hai
dil meñ hamāre baḌh jaatā hai roz ik zaḳhm tamannā kā

sukūn-e-dil to jahāñ meñ kahīñ nahīñ ai 'josh'
phir is sukūñ ke liye iztirāb kyā ma.anī

ġham se akasr dil murda ho jaate haiñ
chehre pe be-nūrī paidā hotī hai