Tags-Dil

dil lagtā hai bāhar se jo bosīda makāñ sā
dāḳhil to kabhī ho ke ye qasr-e-adnī dekh

ālam-e-hū meñ kuchh āvāz sī aa jaatī hai
chupke chupke koī kahtā hai fasāna dil kā

fashion hai āj-kal kā madārī kī DugDugī
dil chāhe yā na chāhe magar raqs kījiye

hāl-e-dil apnā bayāñ karne kī ḳhvāhish hai magar
kuchh tavajjoh aap kī mabzūl ho jaa.e to phir

ye ik aur ham ne qarīna kiyā
dar-e-yār tak dil ko ziina kiyā

kahāñ ham tak aayā koī raaz jo
kahāñ ham ne dil ko dafīna kiyā

agar raushan ho dil siine ke andar
añdherī raat bhī phir chāñdnī hai

yahī dhun thī kahīñ merā dil-e-gum-gashta mil jaa.e
isī vahshat meñ barsoñ ḳhaak chhānī kū-e-jānāñ kī

jahāñ nabzeñ rukīñ dil sard ho do hichkiyāñ aa.iiñ
samajh liije ki manzil aa ga.ī gor-e-ġharībāñ kī

na jā.egā mere dil se ḳhayāl-e-abrū-e-dil-bar
ki teġhoñ hī ke saa.e meñ to hai jannat musalmāñ kī

mehmāñ ko ghar meñ aa.e zamāna guzar gayā
dil kā diyā bujhā.e zamāna guzar gayā

kahtā rahā huuñ dil se ki aa.egī phir bahār
is aarzū meñ haa.e zamāna guzar gayā

sadiyoñ ke dil kī dhaḌkan hai un kī jāgtī āñkhoñ meñ
ye jo falak par hañsmukh chanchal jagmag jagmag taare haiñ

dil meñ aa baiThā hai dekho dūriyoñ kā devtā
ham jamā.at ke tasavvur se bhī uktāne lage

dil-e-betāb aafat hai balā hai
jigar sab khā gayā ab kyā rahā hai

koī hai dil khiñche jaate haiñ ūdhar
fuzūlī hai tajassus ye ki kyā hai

jagah afsos kī hai baad chande
abhī to dil hamārā bhī bajā hai

us meñ rah kar us ke bāhar jhāñknā achchhā nahīñ
dil-nashīñ ke dil ko kamtar āñknā achchhā nahīñ

ek din dil ne kahā jā Dhāñk le apne gunāh
ham ne sochā ā.inoñ ko Dhañknā achchhā nahīñ

dāmān-e-dil se gard-e-ta.alluq ko jhāḌiye
juuñ sarv paañv bāġh-e-tajarrud meñ gāḌiye