Tags-Dil

dil lagāne kī jagah ālam-e-ījād nahīñ
ḳhvāb āñkhoñ ne bahut dekhe magar yaad nahīñ

dushman o dost se ābād haiñ donoñ pahlū
dil salāmat hai to ghar ishq kā barbād nahīñ

chalā huuñ ghar se maiñ ahvāl-e-dil sunāne ko
vo muntazir haiñ mirā zabt āzmāne ko

raqīb saath hai aur zer-e-lab tabassum hai
ajab tarah se vo aayā hai dil dukhāne ko

rah-e-hayāt meñ bahrūpiyoñ se vāqif huuñ
jo ġham-gusār bane merā dil dukhāne ko

DhūñD siipī kī tarah dil ko na sāhil ke qarīb
ye sadaf duur bahut duur tah-e-āb girā

tere visāl ke liye apne kamāl ke liye
hālat-e-dil ki thī ḳharāb aur ḳharāb kī ga.ī

ba.ad bhī tere jān-e-jāñ dil meñ rahā ajab samāñ
yaad rahī tirī yahāñ phir tirī yaad bhī ga.ī

saarī ḳhilqat raah meñ hai aur ho manzil meñ tum
donoñ aalam dil se bāhar haiñ faqat ho dil meñ tum

kāñToñ se dil lagāo jo tā-umr saath deñ
phūloñ kā kyā jo saañs kī garmī na sah sakeñ

yāroñ ke iḳhlās se pahle dil kā mire ye haal na thā
ab vo chaknāchūr paḌā hai jis shīshe meñ baal na thā

kyuuñ re divāne shahr yahī hai ik ik pal bhārī hai jahāñ
apne vīrāne meñ ai dil jī kā ye janjāl na thā

ham jo luTe us shahr meñ jā kar dukh logoñ ko kyuuñ pahuñchā
apnī nazar thī apnā dil thā koī parāyā maal na thā

bajtī haiñ shahr shahr mire dil kī dhaḌkaneñ
charche haiñ duur duur usī Dholak kī thaap ke

har-chand bhare dil meñ haiñ lākhoñ hī gile par
kyā kahiye ki khultā nahīñ muñh vaqt mile par

tā dil ko na vāshud ho to kyā lutf mile haa.e
khiltī hai jo bū ġhuncha-e-gul kī to khile par

ham kahāñ aur dil-e-ḳharāb kahāñ
ai shab-e-ġham tirā javāb kahāñ

ruuh jab ho ga.ī hai ḳhud ghāyal
dil ke zaḳhmoñ kā phir hisāb kahāñ

dil dhaḌakte haiñ ab magar dil meñ
vo mahakte hue gulāb kahāñ

de ga.ī dhokā magar shā.istagī-e-ġham mirī
aa rahā hai dil pe ilzām-e-ḳhushī tere baġhair