Tags-Dil

ḳharāsh-e-sīna-e-āshiq bhī dil ko lag jaa.e
ajab tarah kā hai firqa ye dil-figāroñ kā

taḌap ke marne se dil ke ki maġhfirat ho use
jahāñ meñ kuchh to rahā naam be-qarāroñ kā

ham jo shab ko nā-gahāñ us shoḳh ke paale paḌe
dil to jaatā hī rahā ab jaan ke laale paḌe

baḌī dil-ḳharāsh sadā thī vo ki binā-e-mai-kada hil ga.ī
ye shikast-e-tauba hai dekhtā ki shikasta-e-shīsha-o-jām hai

hai vahī fareb-e-dil-o-nazar abhī kārobār-e-hayāt meñ
vahī ek laġhzish-e-ḳhuld hai jo yahāñ bhī gām-ba-gām hai

ruuh tujh se kalām kartī hai
saañs letī hai dilkashī mujh meñ

kaun kahtā hai ki tū ne hameñ haT kar maarā
dil jhapaT aañkh laḌā nazroñ se DaT kar maarā

ruuTh jaane kī ādateñ na ga.iiñ
dil jalāne kī ādateñ na ga.iiñ

chāñd jaisā har ik hasīñ chehra
dil ko bhāne kī ādateñ na ga.iiñ

mudāvā-e-dil-e-dīvāna karte
ye karte ham to kuchh achchhā na karte

lafz kī hurmat muqaddam hai dil-o-jāñ se mujhe
sach ta.āruf hai mire har sher har tahrīr kā

butoñ kī kākuloñ ke dekh kar pech
paḌe haiñ dil pe kyā kyā pech par pech

na hove dil kī tukkal kaT ke barbād
agar Daale na vo tār-e-nazar pech

vo zulf us kī jo hai pur-pech o pur-ḳham
kamand-e-jāñ hai ai dil us kā har pech

ghar ke ghar jalte the paḌe tere
dāġh-e-dil dekhe bas chaman dekhā

har nafas dīda-e-dil meñ tirī yādoñ kā hujūm
har ghaḌī mujh pe qayāmat kā guzar nā-mālūm

aañkh se dil meñ utartī huī yādoñ kī barāt
dasht-e-tanhā.ī meñ TuuTe hue tāroñ kā hujūm

is qadar paas ki jaise mire dil kī āvāz
is qadar duur ki jaise ho sadā-e-mauhūm

ai dil-e-ḳhāk-basar terī tabāhī taslīm
haañ dil-e-sāda-nazar terī ḳhatā.eñ mālūm