Tags-Dil

na vo aa.eñ ki rāhat ho na maut aa.e ki fursat ho
paḌā hai dil kashākash meñ na ġham nikle na dam nikle

jaane kyuuñ tujh se dil-e-zār ko itnī hai lagan
kaisī kaisī na tamannāoñ kī tamhīd hai tū

kaise chhupā.ūñ rāz-e-ġham dīda-e-tar ko kyā karūñ
dil kī tapish ko kyā karūñ soz-e-jigar ko kyā karūñ

ġham kā na dil meñ ho guzar vasl kī shab ho yuuñ basar
sab ye qubūl hai magar ḳhauf-e-sahar ko kyā karūñ

koī khaḌā hai dar-e-dil pe muntazir kab se
mahaktī sāñsoñ ne aa kar hameñ batāyā hai

jo tū ne hazāroñ va.ade kiye lekin vo kabhī iifā na hue
dil hī haiñ rahe armān mire ai va.ada-shikan but hīla-gire

tujhe kuchh ishq o ulfat ke sivā bhī yaad hai ai dil
sunā.e jā rahā hai ek hī afsāna barsoñ se

terī chashm-e-alam-navāz kī ḳhair
dil meñ koī gilā nahīñ baaqī

Dhalak ke girne se ye dil mirā Darā huā hai
chhalakte ashkoñ meñ us ne mujhe rakhā huā hai

ġhamoñ ke saare parinde hī is pe aa baiThe
ḳhushī kī rut meñ zarā sā jo dil harā huā hai

tumhāre pyaar kā qarzā hai is qadar dil par
faqīr-e-dil bhī to qistoñ meñ hī ghirā huā hai

hai saañs saañs meñ ḳhushbū usī kī ab 'sādī'
vafā kā phuul jo dil meñ mire khilā huā hai

daf.atan bichhḌegā vo bhī dil ko ye dhaḌkā na thā
jo mire hamrāh thā lekin mirā saaya na thā

dar-o-dīvār mo.attar hoñ tirī ḳhushbū se
dil meñ mat aa magar ik baar mire ghar tak aa

pyaar karte bhī haiñ nahīñ bhī haiñ
dil isī baat par to machlā hai

dil-e-be-tāb jiyūñ sīmāb-hasrat se taḌaptā hai
adā se jab lahaktā hegā motī us kī baalī kā

maiñ ik shā.ir huuñ asrār-e-haqīqat khol saktā huuñ
nidā-e-ġhaib ban kar sab ke dil meñ bol saktā huuñ

ḳhudā ne jis tarah kholā hai mere dil kī āñkhoñ ko
yūñhī maiñ har kisī ke dil kī āñkheñ khol saktā huuñ

mirā ḳhūn-e-dil yuuñ bahā dasht meñ
ki jañgal meñ lohū ke thāle paḌe

'jahāñdār' ġham hai kisī lāla-rū kā
jo dil par tire daaġh kaale paḌe