Tags-Dil

vahāñ pe ham bhī haiñ maujūd DhūñDne vaalī
so tere dil meñ akelā tirā ḳhudā nahīñ hai

nigāh-e-dil meñ jo rañgīnī-e-bahār na ho
gunāhgār-e-tamāshā gunāhgār na ho

maiñ to har har ḳham-e-gesū kī talāshī lūñgā
ki mirā dil hai tire gesū-e-ḳhamdār ke paas

dhyān aa gayā thā marg-e-dil-e-nā-murād kā
milne ko mil gayā hai sukūñ bhī qarār bhī

dilrubā ma.alūm hotī haiñ mujhe tanhā.iyāñ
naqsh har shai kā mujhe tasvīr-e-jānāñ ho gayā

sho.ala-zan hai dil yahāñ to dāġh-hā-e-rañj se
aur vo kahte haiñ ḳhush ho kar charāġhāñ ho gayā

dekh kar chāroñ taraf āsār-e-ġham āh-o-fuġhāñ
kyā karūñ 'maġhmūm dil merā hirāsāñ ho gayā

hamāre ashk-e-ḳhūnīñ ne hinā.ī rañg laayā hai
are dil us ke paañv par ye āñkheñ ab to mal sakiye

nikalnā said kā sayyād ke phāñde se mushkil hai
nahīñ āsān ai dil dām-e-duniyā se nikal sakiye

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

na jaane kitnī bahāroñ kā ḳhuuñ huā hogā
nigār-e-ḳhāna-ālam kī dilkashī ke liye

gulshan meñ gar dekheñ mujhe huiiñ sumbul o nargis ḳhajil
dil hai pareshāñ is qadar āñkheñ haiñ hairāñ is qadar

karte haiñ bahut baat ye vīrānī-e-dil kī
un logoñ ne shāyad mirā huliya nahīñ dekhā

maiñ dil pe jabr karūñgā tujhe bhulā dūñgā
marūñgā ḳhud bhī tujhe bhī kaḌī sazā dūñgā

bahut dinoñ se mirā dil udaas hai 'mohsin'
is aa.ine ko koī aks ab nayā dūñgā

haiñ kahīñ āshiq-e-jigar-e-ḳhasta
kahīñ ma.ashūq-e-dil-rubā haiñ ham

nahīñ hai ḳhush iztirāb meñ hai
mirā ye dil bhī sarāb meñ hai

magar ye dil hai ki kyā jaane terī bātoñ se
tarah tarah ke bahāne nichoḌtā kyuuñ hai