shāyad abhī hai raakh meñ koī sharār bhī
kyuuñ varna intizār bhī hai iztirār bhī
dhyān aa gayā thā marg-e-dil-e-nā-murād kā
milne ko mil gayā hai sukūñ bhī qarār bhī
ab DhūñDne chale ho musāfir ko dosto
had-e-nigāh tak na rahā jab ġhubār bhī
har āstāñ pe nāsiya farsā haiñ aaj vo
jo kal na kar sake the terā intizār bhī
ik raah ruk ga.ī to ThiThuk kyuuñ ga.iiñ 'adā'
ābād bastiyāñ haiñ pahāḌoñ ke paar bhī