Tags-Dil

kaho bahāroñ se ab shāḳh-e-dil na hogī harī
ḳhizāñ ke giit sunāo ki ġham kī raat kaTe

ye bhīnī bhīnī sī mast ḳhushbū ye halkī halkī sī dil-nashīñ bū
yahīñ kahīñ terī zulf ke paas koī parvāna jal rahā hai

dil us kī tār-e-zulf ke bal meñ ulajh gayā
suljhegā kis tarah se ye bistār hai ġhazab

de rahe haiñ log mere dil pe dastak baar baar
dil magar ye kah rahā hai sirf tū aur sirf tū

bahut udaas hai dil dostoñ kī mahfil meñ
har ek aañkh meñ chehra-numā hai tanhā.ī

ham bhī jaan kar un se ahd-o-paimāñ karte haiñ
us ke jhūTe va.ade bhī dil-nashīn hote haiñ

siip meñ hī rahte haiñ sūrat-e-sadaf ban kar
dil meñ yaad ke motī yuuñ makīn hote haiñ

muravvat hai dil meñ na pās-e-vafā hai
na tirchhī haiñ nazreñ na bāñkī adā hai

'qaisar' dil kā haal sunā kar jab yāroñ kā muñh dekhā
sab ke chehre sūkhe sūkhe sab kī āñkheñ ḳhālī thiiñ

har nafas se aa.e bū-e-ātish-e-sayyāl-e-ishq
aag vo dil meñ lahū meñ vo harārat bhī to ho

har dil-afsurda se chiñgāriyāñ uḌ jā.eñgī
kuchh tirī ma.asūm āñkhoñ meñ sharārat bhī to ho

dil dimāġh-o-jigar ye sab ik baar
kaam aa.e firāq meñ ai yaar

saiñkaḌoñ harf haiñ girah dil meñ
par kahāñ pā.iye lab-e-iz.hār

shukr kar dāġh-e-dil kā ai ġhāfil
kis ko dete haiñ dīda-e-bedār

yahī darḳhvāst paas dil kī hai
nahīñ roza namāz kuchh darkār

dil jo TuuTā hai to phir yaad nahīñ hai koī
is ḳharābe meñ ab ābād nahīñ hai koī

ḳhushiyāñ mat de mujh ko dard-o-kaif kī daulat de sā.īñ
mujh ko mere dil ke ik ik zaḳhm kī ujrat de sā.īñ

ism-e-zāt kā raaz hai jo ḳhud mere uupar faash to kar
mere dil ke ā.īne ko phir se hairat de sā.īñ

aise bhī the kuchh hālāt
dil se chhupā.ī dil kī baat

har ik ne ik baat kahī
koī na samjhā dil kī baat