Tags-Dil

dil mirā phir dukhā diyā kin ne
so gayā thā jagā diyā kin ne

mirī shā.erī meñ na raqs-e-jām na mai kī rañg-fishāniyāñ
vahī dukh-bharoñ kī hikāyateñ vahī dil-jaloñ kī kahāniyāñ

kabhī āñsuoñ ko sukhā ga.iiñ mire soz-e-dil kī harārateñ
kabhī dil kī naav Dubo ga.iiñ mire āñsuoñ kī ravāniyāñ

dil kī havelī par muddat se
ḳhāmoshī kā qufl paḌā hai

kaun hotā hai musībat meñ kisī kā dil-soz
uTh ga.ī sham.a bhī jal kar mire kāshāne se

in ashkoñ kā dil se kyā ta.alluq
ye sho.ale jigar se aa rahe haiñ

ta.assub bar-taraf masjid ho yā ho kū-e-but-ḳhāna
rah-e-dildār par jaatā qadam yuuñ bhī hai aur yuuñ bhī

rakhtā hai dil meñ mujh ko palkoñ meñ band kar ke
ḳhvāboñ meñ apne har shab vo kholtā hai mujh ko

ab tak kisī ne aisā chāhā nahīñ kisī ko
jaise ki apne dil se vo chāhtā hai mujh ko

kisī ke jalvoñ kā aks-e-rañgīñ kabhī hai dil meñ kabhī nahīñ hai
maiñ kis tarah maan luuñ ki zauq-e-yaqīñ kī tujh meñ kamī nahīñ hai

phir aur kyā hai agar zavāl-e-ḳhudī-o-ḳhud-āgahī nahīñ hai
dil-o-nazar ko ye kyā huā hai kahīñ bhī āsūdgī nahīñ hai

zabāñ pe rindān-e-kam-nazar kī shikāyat-e-sāqī-e-azal hai
talab sivā ho jo zarf dil se havas hai vo tishnagī nahīñ hai

dil hai merā mā.il-e-fariyād aaj
dekh kar un ke taġhāful kā samāñ

ik zarā ruk jā.iye sun lījiye
is dil-e-ranjūr kī bhī dāstāñ

ai dil-e-ġham-ghīñ na ro is daur meñ
kaun suntā hai kisī kī dāstāñ

ham se pahle to koī yuuñ na phirā āvāra
dard āvāra dil āvāra vafā āvāra

bevafā logoñ ke hāthoñ se chhuḌā kar dāman
dil meñ kis shauq se phirtī hai vafā āvāra

manzil-e-ishq pe pahuñche to koī saath na thā
dil judā ḳhāk-basar aañkh judā āvāra

dil meñ sau bāteñ haiñ ik terī tamannā bhī sahī
sar pe haiñ laakh āfateñ ik dāġh-e-saudā bhī sahī

dil meñ vaqt-e-zab.h hai hasrat ki tum ko dekh leñ
marte marte ḳhair jiine kī tamannā bhī sahī