Tags-Dil

ai mire sho.ala-e-dil sho.ala-e-sher-o-dānish
raat āḳhir hai use jashn-e-sharar-bārī de

dil-e-āshufta pe ilzām ka.ī yaad aa.e
jab tirā zikr chhiḌā naam ka.ī yaad aa.e

dil meñ ḳhayālāt-e-rañgīñ guzarte haiñ jiyūñ boss phūloñ ke rañgoñ meñ rahiye
vahshat ke jañgal meñ kab lag pareshāñ ho ġham ke bhāroñ ke sañgoñ meñ rahiye

hai dil meñ ghar ko shahar se sahrā meñ le chaleñ
uThvā ke āñsuoñ se dar-o-bām dosh par

bahut kuchh dekhnā hai aage aage
abhī dil ne mire dekhā hī kyā hai

jo bujh sake na kabhī dil meñ hai vo aag bharī
balā-e-jāñ hai mohabbat meñ fitrat-e-basharī

apne dāman ko sambhāle hue bhole-pan se
vo chale aate haiñ dil le ke mukarne vaale

zer-e-pā dil hī bichhe hoñ ki haiñ ḳhūgar us ke
farsh-e-gul par bhī nahīñ paaoñ vo dharne vaale

vo baat ḳhushā detā hai dil jis kī gavāhī
ye kyā ki kaho aglī asātīr meñ aave

ik pal bhī kū-e-dil meñ na Thahrāo rah-navard
ab jis ke naqsh-e-pā meñ chaman-dar-chaman paḌe

apnā ġham mujh ko parā.e ġham se yaad aane lagā
ham-nashīñ mujh se dil-e-ranjūr kī bāteñ na kar

tum ne dil-nagrī ko ujḌā huā gaañv jaanā
varna ik shahr thā is gaañv ke pīchhe pīchhe

aql har ḳhvāb kī ta.abīr ke pīchhe bhāge
dil azal hī se hai āshāoñ ke pīchhe pīchhe

ahl-e-dil DhūñD koī aise chalegā kab tak
apnī be-sūd tamannāoñ ke pīchhe pīchhe

hastī ko jis ne zalzala-sāmāñ banā diyā
vo dil qarār paa.e muqaddar kī baat hai

gardūñ sharār-e-barq-e-dil-e-be-qarār dekh
jin se ye terī tāroñ bharī raat raat hai

yuuñ to hazār dard se rote haiñ bad-nasīb
tum dil dukhāo vaqt-e-musībat to baat hai

mirā dard-e-dil hai ravāñ-davāñ mirā zaḳhm-e-dil bhī gulāb hai
mirī ḳhushbuoñ sī hai dāstāñ ye jahān merī kitāb hai

kabhī mere dil meñ tū dekhnā ki jahāñ tamām simaT ga.e
kare zikr jis kā har ik zabāñ mire dard kā vo shabāb hai

azāb-e-hijr se anjān thoḌī hotā hai
ye dil ab itnā bhī nādān thoḌī hotā hai