Tags-Dil

guzar rahā hai jo dil pe aalam ayaañ na hone pe bhī ayaañ hai
abhī faqat qasd hai fuġhāñ kā abhī se chehra dhuāñ dhuāñ hai

vāda-ḳhilāfiyoñ se terī hai dil meñ shub.ha
hove jo hashr meñ bhī dīdār hai ta.ajjub

pāmāl dil kiye haiñ aalam ke har qadam meñ
sīkhī ye tum ne kis se raftār hai ta.ajjub

dīvāna hai 'muhib' tū terī shikasta-hālī
dekhe jo aañkh uThā kar dildār hai ta.ajjub

maiñ ik sitāra uchhālā to nuur phail gayā
shab-e-firāq yūñhī dil-nashīñ huī mujh se

ġhazal sunī to bahut dil se ḳhush huā 'ātif'
magar ġhazal kī satā.ish nahīñ huī mujh se

āvegī merī qabr se āvāz mere ba.ad
ubhreñge ishq-e-dil se tire raaz mere ba.ad

hasrat hai is ke dekhne kī dil meñ be-qayās
aġhlab ki merī āñkheñ raheñ baaz mere ba.ad

laakh sanjīda sahī 'tāj' hasīnoñ kī ravish
dil uḌā lene ke andāz kidhar jaate haiñ

dil ye bole ki bāñdh raḳht-e-safar
aur zehn aa.e beḌiyāñ ban kar

kuchh apne dost bhī tarkash-ba-dosh phirte haiñ
kuchh apnā dil bhī kushāda hai kyā kiyā jaa.e

vo mehrbāñ hai magar dil kī hirs bhī kam ho
talab karam se ziyāda hai kyā kiyā jaa.e

sulūk-e-yār se dil Dūbne lagā hai 'farāz'
magar ye mahfil-e-ādā hai kyā kiyā jaa.e

ye karb-e-rā.egānī-e-imkāñ bhī hai magar
terā bhī ik ḳhayāl-e-dil-āvez mujh meñ hai

dil hai betāb chashm hai be-ḳhvāb
jā-e-'bedār' kyā karūñ tujh bin

milāte ho usī ko ḳhaak meñ jo dil se miltā hai
mirī jaañ chāhne vaalā baḌī mushkil se miltā hai

javāb is baat kā us shoḳh ko kyā de sake koī
jo dil le kar kahe kam-baḳht tū kis dil se miltā hai

chhupā.e se koī chhuptī hai apne dil kī betābī
ki har tār-e-nafas apnā rag-e-bismil se miltā hai

ġhazab hai 'dāġh' ke dil se tumhārā dil nahīñ miltā
tumhārā chāñd sā chehra mah-e-kāmil se miltā hai

dil se na vahī aur haiñ 'manzar' na hamīñ aur
ye vaqt hai jo ham haiñ kahīñ aur vo kahīñ aur