Tags-Dil

iqrār se inkār ke andāz haiñ dilkash
tum yuuñ hī kahe jaao nahīñ aur nahīñ aur

ab charāġhoñ kī zarūrat bhī nahīñ
chāñd is dil meñ chhupā ho jaise

burā ho nāla-e-paiham kā kuchh dinoñ pahle
ḳhamosh raat ke dil meñ ye pech-o-tāb na thā

dil-e-ḳharāb kā 'ehsān' ab ḳhudā-hāfiz
ḳharāb thā magar aisā kabhī ḳharāb na thā

ilāhī kyā kabhī puure ye armāñ ho bhī sakte haiñ
mire kāshāna-e-dil meñ vo mehmāñ ho bhī sakte haiñ

zabān-e-shauq par chhā jā.egā māyūsī-e-paiham
lab-e-ḳhāmosh rūdād-e-dil-o-jāñ ho bhī sakte haiñ

jo dil-o-īmāñ na deñ nazrāñ butoñ ko dekh kar
yā ḳhudā vo log is duniyā meñ aa.e kis liye

mat toḌiyo dil sanam kisī kā
allāh tirā bhalā karegā

aa jā.egā sāmne tū jis ke
dil kyā hai ki jī fidā karegā

ik gul-badan milī jo sarāpā sipās thī
ā.ankhoñ ke rāste use dil meñ biThā liyā

aisī nigāh pyaar kī yuuñ 'tāj' ko milī
dil ke nagar meñ ek diyā sā jalā liyā

log patthar ke the fariyād kahāñ tak karte
dil ke vīrāne ham ābād kahāñ tak karte

haa.e kis kis maqām par dil ko
us uchaTtī nazar ne bhaTkāyā

jo tum kaho ye dil to kyā maiñ jaan bhī fidā karūñ
jo maiñ kahūñ bas ik nazar luTā sako to saath do

ye mere jazb-e-nihāñ kā hai mo.ajaza shāyad
ki dil meñ jhāñk ke dekhūñ to tū hī tū nikle

zehn-o-dil se nikāl kar us ko
kar diyā ḳhud ko mo'atabar yaaro

damakte chehre ghanerī zulfeñ
ye sarsarāte havāoñ jaise libās jismoñ kā bāñkpan dilrubā adā.eñ

apnī apnī zaat meñ gum haiñ ahl-e-dil bhī ahl-e-nazar bhī
mahfil meñ dil kyūñkar bahle mahfil meñ tanhā.ī bahut hai

jān-o-dil thā nazr terī kar chukā
tere āshiq kī yahī auqāt hai

dil markaz-e-hijāb banāyā na jā.egā
un se bhī rāz-e-ishq chhupāyā na jā.egā