Tags-Dil

kise ḳhabar hai ki hañgāma-e-nashūr hai kyā
tirī nigāh kī gardish hai merī rustā-ḳhez

dil-e-ġhamīñ ke muāfiq nahīñ hai mausam-e-gul
sadā-e-murġh-e-chaman hai bahut nashāt añgez

jinheñ talab hai jahān bhar kī unhīñ kā dil itnā tañg kyuuñ hai
ḳhudā-e-bartar terī zamīñ par zamīñ kī ḳhātir ye jañg kyuuñ hai

haañ harf-e-tasallī ke liye thā maiñ pareshāñ
pahlū meñ mire dil thā kuhistāñ to nahīñ thā

thā dil bhī kabhī shahr-e-tamannā se mumāsil
ye qarya hamesha se bayābāñ to nahīñ thā

sab añdheroñ se judā dil kā añdherā jis tarah
har ujāle se hai ghar kī raushnī bilkul alag

dil mujhe samjhātā hai to dil ko samjhātā huuñ maiñ
jaane kaise aql kī bātoñ meñ aa jaatā huuñ maiñ

nazar aa kar utar jaate haiñ dil meñ
ye chehre kyā qayāmat kar rahe haiñ

huī āġhāz phūloñ kī kahānī
vo pahlā dil vo pahlī ḳhush-gumānī

badan kā har ek uzv dil kā kiyā-karāyā bhugat rahā hai
is ik student kī ḳhatā kā itaab saarī class par hai

maiñ rāz-e-ishq ko rusvā karūñ ma.āz-allāh
ye baat aur hai dil par na iḳhtiyār rahe

kūcha-e-zulf se Taltā hī nahīñ
dil ko sakta bhī hai saudā hī nahīñ

āḳhirash ḳhaak uḌā kar sar-e-rāhe dil kī
ek duniyā ko maiñ dil-gīr kiye jaatā huuñ

dil vo nagar nahīñ ki phir ābād ho sake
pachhtāoge suno ho ye bastī ujaaḌ kar

aur havā duuñ dil meñ aag bhaḌaktī ko
sho.ala sho.ala raakh kare jo hastī ko

dil thā ek bagūlā hijr ke sahrā meñ
naach rahā thā le kar vasl kī mastī ko

merā dil to ḳhālī hai ab dhaḌkan se
kaise koī dekhe nabz dhaḌaktī ko

sirf hashmat kī talab jaah kī ḳhvāhish paa.ī
dil ko be-dāġh samajhtā thā jazāmī niklā

jab us ne aane kā ik din idhar irāda kiyā
to maiñ ne dil kā makāñ aur bhī kushāda kiyā