Tags-Dil

kis tarah ujḌe sulagtī huī yādoñ ke diye
hamdamo dil ke qarīb aao ruko aur suno

dil ne paidā kī kahāñ se ye tarañg
koī tahrīk-e-nihānī aur hai

ġhair samjhā hai kise ai ham-nashīñ
mere dil meñ bad-gumānī aur hai

dil meñ aao maze hoñ jiine ke
khol duuñ maiñ kivāḌ siine ke

dekh terā jamāl kuchh kā kuchh
dil meñ aayā ḳhayāl kuchh kā kuchh

ye ātish-e-ishq kī hai jiddat ki dil meñ paidā huī hai riqqat
ye soz-e-ġham kī milī hai lazzat maza hai dil kī jalan ke andar

mahv-e-adā ho jā.ūñgā gar vasl meñ vo sharmā.egī
bār-e-ḳhudāyā dil kī hasrat kaise phir bar aa.egī

ishq-e-butāñ meñ jab dil uljhā diin kahāñ islām kahāñ
vaa.iz kaalī zulf kī ulfat sab ko raam banā.egī

bahr-ayādat bhī jo na ā.eñge na hamāre bālīñ par
barsoñ mere dil kī hasrat sar par ḳhaak uḌā.egī

dil har zid manvā letā hai
ye bachcha shaitān bahut hai

ab hāthoñ meñ pyaar hai sāhab
aur dil meñ talvār hai sāhab

yuuñ paḌh rakhe haiñ ham ne to kitne hī faisle
dil kī ibāratoñ ko bhī paḌhvā.īye zarā

umr guzrī davā.eñ karte 'mīr'
dard-e-dil kā huā na chāra hanūz

aaj dil se duā kare koī
haqq-e-ulfat adā kare koī

jis tarah dil mirā taḌaptā hai
yuuñ na taḌpe ḳhudā kare koī

jān-o-dil ham ne kar diye qurbāñ
vo na maane to kyā kare koī

dil-e-betāb kī tamannā hai
phir kahūñ maiñ sunā kare koī

shauq-e-dīdār dil meñ hai 'darshan'
aa bhī jaa.e ḳhudā kare koī

ai ātish-e-dil adab hai lāzim
mujh meñ bhī vo bū-e-pairahan hai