Tags-Dil

sukūn-e-dil ho magar tum bachā sake na mujhe
dalīl-e-dard-e-jigar tum bachā sake na mujhe

huuñ shab-gazīda ġham-e-dil bichhaḌ ga.e tum bhī
mire sharīk-e-safar tum bachā sake na mujhe

lage haiñ dil pe mire chārasāz tīr-e-balā
tumhī the sīna-sipar tum bachā sake na mujhe

kis tavaqqo.a pe kyā uThā rakhiye
dil salāmat nahīñ to kyā rakhiye

likhiye kuchh aur dāstān-e-dil
aur zamāne ko mubtalā rakhiye

us ne jab zaḳhm-e-dil ko zabāñ baḳhsh dī
sunñe vāloñ ne be-sāḳhta aah kī

pattharoñ ko hasīñ sūrateñ to milīñ dil nahīñ mil sakā
pattharoñ ko mile paañv par e'timād-e-safar kaun de

mutrib-e-ḳhush-navā pattharoñ se paTaktā rahā apnā sar
mutrib-e-ḳhush-navā pattharoñ ko sunātā rahā dard-e-dil

chashm o dil se na thī ye chashm hameñ
ki na girya ke ho sakeñge harīf

dil-e-parvāna pe kyā guzregī
jab talak dhuup bujhe sham.a jale

vahī hai fazl-e-ḳhudā se ab tak taraqqi-e-kār-e-husn o ulfat
na vo haiñ mashq-e-sitam meñ qāsir na ḳhūn-e-dil kī yahāñ kamī hai

nazar mirī aur hī taraf hai hazār rañg-e-zamāna badle
hazār bāteñ banā.e nāseh jamī hai dil meñ jo kuchh jamī hai

visāl-e-dīd ko āñkheñ chhupānā chāhtī haiñ
magar dil vāqi.a tahrīr karnā chāhtā hai

ḳhud par bhī kholiye na kabhī dil kī vārdāt
ā.īna sāmne ho to chehra chhupā.iye

dil dhuāñ dene lage aañkh pighalne lag jaa.e
tum jise dekh lo ik baar vo jalne lag jaa.e

shāḳh-e-dil kaaT ke miTTī meñ dabā dī ham ne
kaash aisā ho ki ye phūlne-phalne lag jaa.e

kaun us raah se guzartā hai
dil yūñhī intizār kartā hai

dekh kar bhī na dekhne vaale
dil tujhe dekh dekh Dartā hai

dil to merā udaas hai 'nāsir'
shahr kyuuñ saa.eñ saa.eñ kartā hai

tum hī ḳhulūs-e-dil se aa jaate ho 'shu.ūr' ab
miltā hai kaun varna be-fā.eda kisī se