Tags-Dil

mehrbāñ paate nahīñ tere ta.iiñ yak aan ham
phir bhalā dil ke nikāleñ kis tarah armān ham

zarroñ se phuuT niklegī ulfat kī raushnī
yaaro na ho to ḳhaak meñ dil ko milā ke dekh

dil hai nākāmiyoñ kī lazzat hai
na tamannā hai ab na hasrat hai

arz-e-matlab kī un se jur.at hai
dil-e-nādāñ ye kyā qayāmat hai

dil meñ jab bhī kabhī duniyā se malāl aatā hai
kitne hī zohra-jabīnoñ kā ḳhayāl aatā hai

tañg siina hai hauz masjid kā
dil vo duunā pujāriyoñ ke ba.ad

aur kahtī hai jhāñk kar dil meñ
terā maz.hab, tirā aziim ḳhudā

dil-mausam meñ maiñ aur vo
naddī naale jal-thal likh

tāroñ kī utartī hai Dolī aur chāñdnī dulhan hotī hai
jis raat meñ do dil milte haiñ vo raat suhāgan hotī hai

jab dil se dil mil jaate haiñ to kyā kyā gul khil jaate haiñ
kuchh ġhair gale lag jaate haiñ kuchh apnoñ se an-ban hotī hai

jalte haiñ jahāñ vaale lo jaleñ ham rāh-e-vafā meñ saath chaleñ
duniyā ko chhoḌo duniyā to dil vāloñ kī dushman hotī hai

bas un ke liye hī raat aur din dil merā dhaḌaktā hai lekin
jab sāmne vo aa jaate haiñ tez aur bhī dhaḌkan hotī hai

tasvīr ho terī jab dil meñ ġham dil ke qarīb aa.e kaise
maiñ yaad tujhe kar letā huuñ jab koī bhī uljhan huī hai

har jagah dil ke phaphūle nahīñ phoḌā karte
har jagah zaḳhm pe turpāī nahīñ hotī hai

is tarah dukāñ dil kī sajā.ūñ ki zamāna
dekhe to use misr kā bāzār hī samjhe

kahtā hī rahā dil ki ye sahrā-e-junūñ hai
ham the ki use sāya-e-dīvār hī samjhe

har chand thā dāman meñ liye vus.at-e-kaunain
is dil ko magar nuqta-e-parkār hī samjhe

vo haal 'razā' tum ne banā rakkhā hai dil kā
dekhe jo koī ishq kā āzār hī samjhe

ab kisī jalva-e-rañgīñ se mujhe kaam nahīñ
un kī tasvīr mire dil meñ utar aa.ī hai

dil par ajiib gard hai āñkhoñ meñ hai ġhubār
do-chār kaam aaj to fursat nikāl kar