Tags-Dil

lipaTtī hai bahut yād-e-vatan jab dāman-e-dil se
palaT kar ik salām-e-shauq kar letā huuñ manzil se

nazar aa.e jab āsār-e-judā.ī rañg-e-mahfil se
nigāh-e-'yās' begāna huī yārān-e-yak-dil se

nahīñ ma.alūm kyā lazzat uThā.ī hai asīrī meñ
dil-e-vahshī phaḌak uThtā hai āvāz-e-salāsil se

kisī shai meñ na hogī bāda-e-irfāñ kī gunjā.ish
laḌā le sāġhar-e-jam ko bhī koī shīsha-e-dil se

tasavvur ne dikhāyā shāhid-e-maqsūd kā jalva
utar aa.ī hai lailā sar-zamīn-e-dil pe mahmil se

rahegī chaar dīvār-e-anāsir darmiyāñ kab tak
uThegā zalzala ik din isī baiThe hue dil se

un se ham lau lagā.e baiThe haiñ
aag dil meñ dabā.e baiThe haiñ

kyuuñ musht-e-ḳhāk par koī dil dāġhdār ho
mar kar bhī ye havas ki hamārā mazār ho

yaksāñ hai ahl-e-dil ke liye imbisāt-o-ġham
bāġh-e-jahāñ meñ aa.e ḳhizāñ yā bahār ho

ghaḌī bhar ko jo bahlā.e mirā dil
koī aisī ghaḌī aatī nahīñ hai

'riyāz' ik chulbulā sā dil ho ham hoñ
hasīnoñ kī bharī mahfil ho ham hoñ

kahā lailā se kis ne dil ho to ho
kabhī to ho tirā mahmil ho ham hoñ

tirī ulTī chhurī dil meñ utar jaa.e
adū jab is tarah bismil ho ham hoñ

na ḳhalvat chāhiye ham ko na ma.ashūq
'riyāz' ik ārzū-e-dil ho ham hoñ

gah lohū Tapaktā hai gah laḳht-e-dil āñkhoñ se
yā TukḌe jigar hī ke har aan nikalte haiñ

dhaḌkaneñ maddham huī jaatī haiñ ai chāragaro
chaak dil kā sil gayā to kyā karoge soch lo

na dete ham to kabhī dil apnā na hote hargiz ḳharāb-o-rusvā
vale kareñ kyā ki tum ne ham ko dikhā.īñ jhumkīñ ajab hī chhab se

vo ja.ad-e-mushkīñ jo din ko dekhe to yaad us kī meñ shaam hī se
ye pech-o-tāb aa ke dil se uljhe ki phir sahar tak na suljhe shab se

le ke dil dard pā.edār diyā
chāñdnī ke evaz ġhubār diyā

aarzū thī ki ishq meñ 'shabnam'
dil ke dhāge kahīñ bañdhe hote