Tags-Dil

rañg-e-dil rañg-e-nazar yaad aayā
tere jalvoñ kā asar yaad aayā

ye zamāna ye dil-e-dīvāna
rishta-e-sañg-o-guhar yaad aayā

gard uḌtī hai sar-e-rāh-e-ḳhayāl
dil-e-nādāñ kā safar yaad aayā

kisī patthar kī haqīqat hī kyā
dil kā ā.īna magar yaad aayā

dil jalā dhuup meñ aisā ab ke
paañv yaad aa.e na sar yaad aayā

un kī raftār se dil kā ajab ahvāl huā
ruñdh gayā pis gayā miTTī huā pāmāl huā

haiñ vo suufī jo kabhī nāla-e-nāqūs sunā
vajd karne lage ham dil kā ajab haal huā

tā.ir-e-dil kī liye aap ne sayyādī kī
rishta-e-dām-e-balā zulf kā har baal huā

dil se bāhar ho tirā raaz gavārā hai kise
ye koī baat nahīñ hai ki zabāñ tak pahuñche

vāqif the kahāñ ham dil-e-nā-chār se pahle
kam-baḳht mohabbat ke is āzār se pahle

dil-sozī o āshufta-sarī tohmat o dushnām
kyā kyā nahīñ dekhā rasan-o-dār se pahle

pahle ye jāntā thā ki zaḳhmī nahīñ hai dil
jab de diyā ragoñ ne lahū jab ḳhabar huī

vo mil ke dast-e-hinā.ī se dil lahū karte
ham aarzū to hasīñ ḳhūn-e-ārzū karte

utaar laate unheñ bām-e-tūr se dil meñ
ham iḳhtiyār vo andāz-e-guftugū karte

sabr o shakeb baaqī taab o tavāñ salāmat
dil misl-e-ūd jal jal ḳhushbū bikhertā hai

jin kūchoñ meñ sukh-chain gayā jin galiyoñ meñ badnām hue
dīvāna dil un galiyoñ meñ rah rah kar Thokar khaa.e hai

kuchh duniyā bhī bezār hai ab ham jaise vahshat vāloñ se
kuchh apnā dil bhī duniyā kī is mahfil meñ ghabrā.e hai

dīvār na dar sunsān khañDar aisā ujḌā ye dil kā nagar
tanhā.ī ke vīrāne meñ āvāz bhī Thokar khaa.e hai

dil ko rote kahāñ talak 'aḳhtar'
āḳhir-kār ho ga.e ḳhāmosh

dil-rubā tujh sā jo dil lene meñ ayyārī kare
phir koī dillī meñ kyā dil kī ḳhabardārī kare