Tags-Dil

dil se bhāge to liyā dīda-e-tar ne goyā
aag se bach ke nikalnā to bhañvar meñ rahnā

dil ke darvāze pe dastak de rahā thā kaun thā
ik zarā sochā koī chehra koī paikar na thā

vo mire dil kī raushnī vo mire daaġh le ga.ī
aisī chalī havā-e-shām saare charāġh le ga.ī

tum apne āshiqoñ se kuchh na kuchh dil-bastagī kar lo
kisī se dushmanī kar lo kisī se dostī kar lo

abas vajūd kā dukh tañgī-e-hayāt kā dukh
ki dil ne paalā huā hai har ek zaat kā dukh

un ke dil kī kudūrateñ na miTīñ
apnī hastī miTā ke dekh liyā

kuchh nahīñ juz ġhubār-e-kīn-o-inād
ham ne dil meñ samā ke dekh liyā

māñgo ho abhī dil mujhe nādān samajh kar
phir dūñgā javāb is kā mirī jaan samajh kar

dil sard hai tum se ki ba-īñ garm tapā ke
yak shab bhī na yaañ so.e zamistān samajh kar

sab ko dil kī batātā thā 'taimūr'
maiñ ne pūchhā to hañs ke Taal diyā

us kā lahja karaḳht hotā gayā
dil hamārā bhī saḳht hotā gayā

terī ḳhātir sameT kar rakkhā
dil magar laḳht laḳht hotā gayā

ġhārat-e-dil kā jo kartā hai irāda tark-e-chashm
ġhamza kahtā hai maiñ tārāj shakebā.ī karūñ

dil na le ai sanam barā-e-ḳhudā
kuchh bahaltā hai is se jī merā

ab nahīñ dil ko taab furqat kī
dam nikaltā hai ai parī merā

abhī se tāq-e-talab par na tū sajā mujh ko
abhī to karnā hai is dil se mashvara mujh ko

ye kis jannat meñ le aayā hai paimān-e-vafā dil ko
ki har sūrat yahāñ ārām-e-jāñ ma.alūm hotī hai

yaad ke pher meñ aa kar dil par aisī kaarī choT lagī
dukh meñ sukh hai sukh meñ dukh hai bhed ye nyārā bhuul gayā

jab dil nahīñ rahā to tamannā kā kaam kyā
jab kārvāñ nahīñ to pas-e-kārvāñ haiñ kyuuñ

'bahzād' un ke hijr meñ ghabrā rahā hai dil
ab kyā kaheñ kisī se ki bas ḳhānumāñ haiñ kyuuñ