Tags-Dil

ḳhatm ḳhūn-e-dil huā kaise bhareñ rañg-e-vafā
kyā banā pā.eñge ham tasvīr-e-dilbar dekhnā

dil se apne ḳhud-ba-ḳhud kuchh pūchhiye mere liye
faisla ab kījiye yā sochiye mere liye

dil huā tark-o-talab se be-niyāz
ab yahāñ ārām hī ārām hai

ajī dekheñ dil-e-āshiq to nahīñ
aap āñchal meñ ye kyā bāñdhte haiñ

har koī tark-e-ta.alluq par musir hai ab 'ḳhayāl'
aa mire dil tū bhī aa jā kis kā dhaḌkā rah gayā

in añdheroñ se nikalne kī koī raah karo
ḳhūn-e-dil se koī mish.al hī jalāo yaaro

qissa-e-dil likh chuke 'mānī' bas ab
ḳhuuñ ke aañsū zeb-e-unvāñ kījiye

dil abhī tak bharā nahīñ merā
kyā abhī chaar din kī mohlat hai

lauT ke us ne phir nahīñ dekhā jis ke liye ham jiite haiñ
dil kā bujhānā ik andher hai yuuñ to baat zarā sī hai

ye dīvāreñ to haiñ is daur kā sach
khulā har dil kā darvāza thā pahle

nigāh-e-nāz fusūñ-āfrīñ ko hai ma.alūm
ki nok TuuTī huī dil meñ ḳhār-e-shauq kī hai

kaise jiite haiñ ye kis tarah jiye jaate haiñ
ahl-e-dil kī basar-auqāt pe ronā aayā

lafz phir ruup badal kar mire dil meñ larze
shauq-e-iz.hār meñ be-tāb hue

āñgan se hī ḳhushī ke vo lamhe palaT ga.e
sahrā-e-dil se barse baġhair abr chhaT ga.e

maqtal-e-vaqt meñ ḳhāmosh gavāhī kī tarah
dil bhī kaam aayā hai gumnām sipāhī kī tarah

bujhā hai dil to na samjho ki bujh gayā ġham bhī
ki ab charāġh ke badle charāġh kī lau hai

vo ek karb-e-musalsal jo dil jalātā thā
tum aa ke paas jo baiThe to sarḳhushī sā lagā

maiñ apne dast par shab ḳhvāb meñ dekhā ki aḳhgar thā
sahar ko khul ga.ī jab aañkh merā haath dil par thā

us se kah to diyā chalā jaa.e
dil ye kahtā rahā magar Thahre

ek aahaT kī aas meñ kab se
haiñ 'hinā' dil ke bām-o-dar Thahre