Tags-Dil

bāvajūd-e-yak-jahāñ hañgāma paidā.ī nahīñ
haiñ charāġhān-e-shabistān-e-dil-e-parvāna ham

ab to aate haiñ sabhī dil ko dukhāne vaale
jaane kis raah ga.e naaz uThāne vaale

dil meñ bajtā huā dhaḌaktā huā
apnī tanhā.ī kā gajar dekhūñ

jī tañg hai kyā kījiye aur josh-e-balā ye
dil ek hai kyā dījiye aur zulf-e-dotā do

kyā dām-e-fareb us ne bichhāyā hai dil-āvez
do aan phañseñ aur jo ho jaa.eñ rihā do

vo tarz-o-ravish haa.e vo andāz-o-adā haif
kyā bachte dil-o-jān kujā chaar kujā do

kisī ko de ke dil koī navā-sañj-e-fuġhāñ kyuuñ ho
na ho jab dil hī siine meñ to phir muñh meñ zabāñ kyuuñ ho

vafā kaisī kahāñ kā ishq jab sar phoḌnā Thahrā
to phir ai sañg-dil terā hī sañg-e-āstāñ kyuuñ ho

ye kah sakte ho ham dil meñ nahīñ haiñ par ye batlāo
ki jab dil meñ tumhīñ tum ho to āñkhoñ se nihāñ kyuuñ ho

ġhalat hai jazb-e-dil kā shikva dekho jurm kis kā hai
na khīñcho gar tum apne ko kashākash darmiyāñ kyuuñ ho

kūcha kūcha kāTte phirte haiñ yādoñ kā likhā
dil ko jaane kyā tirī rusvā.iyāñ samjhā ga.iiñ

pī ke kar letā huuñ tauba jab se ye dastūr hai
dil bhī raushan hai mirā muñh par bhī mere nuur hai

ġhair se milne ke shikve par qayāmat Dhā gayā
un kā ye kahnā ki dil se aadmī majbūr hai

yuuñ to milne ko log milte haiñ
dil magar kam kisī se miltā hai

rahbar-e-jāda-e-manzil pe hañsī aatī hai
laḌkhaḌāte hue is dil pe hañsī aatī hai

hasrat-e-qurbat-e-manzil pe hañsī aatī hai
ab to dīvāngī-e-dil pe hañsī aatī hai

yaad kar ke tirī sūrat tirī bāteñ akasr
yuuñ taḌaptā hai ki is dil pe hañsī aatī hai

dil meñ nahīñ us kī kuchh kudūrat
ā.īna pe kyā ġhubār aa.e

qayāmat meñ qayāmat kar gayā kaun
ki dil thāme saf-e-mehshar khaḌī hai

tujhe detā huuñ apnī jaan bhī maiñ
mire dil se mirī himmat baḌī hai