Tags-Dil

dil bhī kyā nairañg-e-sarāb-e-ārzū hai
raunaq dekho to koī bāzār lage

chāhat hamārī tāḌte haiñ vaañ ke tāḌ-bāz
tis par hanūz ḳhuub tarah dil lagā na thā

dil kā Thikānā DhūñDh liyā hai aur kahāñ ab jaanā hogā
ham hoñge aur vahshat hogī aur yahī vīrāna hogā

aur to sab dukh baT jaate haiñ dil ke dard ko kaun baTā.e
duniyā ke ġham bar-haq lekin apnā bhī ġham khānā hogā

dil meñ hujūm-e-dard hai lekin aah ke bhī ausān nahīñ
is badlī ko yūñhī āḳhir bin barse chhaT jaanā hogā

ham to fasāna kah kar apne dil kā bojh utaar chale
tum jo kahoge apne dil se vo kaisā afsāna hogā

uThte haiñ to dil baiThne lagtā hai sar-e-bazm
baiThe haiñ to ab mar ke hī uTheñge yahāñ se

āñkhoñ se ayaañ hotā hai aalam mire dil kā
matlab hai is aalam ko zabāñ se na bayāñ se

sar-bulandī ko yahāñ dil ne na chāhā mun.im
varna ye ḳhema-e-aflāk purānā kyā thā

dal kī tah meñ 'āzim' un kī yaad rah ga.ī
ġham ubhar ke mere ḳhāl-o-ḳhad meñ aa ga.e

dil hī na khule apnā to kījiye kyā varna
sabza hai gulistāñ hai gulzār hai laala hai

kyūñkar na samar laave shāḳh-e-mizha laḳht-e-dil
sau ḳhūn-e-jigar se maiñ is tiir ko paalā hai

hai dil meñ to vo lekin dikhlā.ī nahīñ detā
bāhar to añdherā hai aur ghar meñ ujālā hai

tājīl na kar ai dil aane to lagā hai vo
mil jā.egā bosa bhī kyā muñh kā nivāla hai

ye chaal agar hai to rahne kā nahīñ ab dil
be-tarah se us ne to kuchh paañv nikālā hai

dil ko rahīn-e-lazzat-e-darmāñ na kar sake
ham un se bhī shikāyat-e-hijrāñ na kar sake

dil un ke haath se bhī gayā ham se bhī gayā
shāyad vo pās-e-ḳhātir-e-mehmāñ na kar sake

un par bhī āshkār ho kyuuñ apne dil kā haal
ham is matā-e-dard ko arzāñ na kar sake

dil ke hāthoñ ḳharāb ho jaanā
zindagī kāmyāb ho jaanā

koī fariyād kare guuñj mire dil se uThe
mauqa-e-dard kabhī haath se jaane na diyā