Tags-Dil

dil meñ ab pahlī sī vo gunjā.isheñ baaqī nahīñ
pahle ik dālān aa jaanā thā añgnā.ī ke baad

ai dil kise nasīb ye taufīq-e-iztirāb
miltī hai zindagī meñ ye rāhat kabhī kabhī

tere karam se ai alam-e-husn-āfrīñ
dil ban gayā hai dost kī ḳhalvat kabhī kabhī

tere qarīb rah ke bhī dil mutma.in na thā
guzrī hai mujh pe ye bhī qayāmat kabhī kabhī

dil-lagī meñ hasrat-e-dil kuchh nikal jaatī to hai
bose le lete haiñ ham do-chār hañste bolte

aayā hai ab ḳhayāl-e-talāfī tujhe ki jab
is dil ko tere hijr kī aadat sī ho ga.ī

dil jab bhī chāhtā hai tujhe soch letā huuñ
tere ḳhayāl par mujhe qudrat sī ho ga.ī

na koī mamnuā daana khānā na ḳhauf dil meñ utārnā thā
jo ham ne pahlā gunah kiyā thā kisī kī naqleñ utārnā thā

dil jalā phir ḳhud jale phir saarī duniyā jal uThī
soz laa.e the ba-miqdār-e-par-e-parvāna ham

ḳhirāj māñgtā hai mujh se ye badan merā
ki lauh-e-dil pe tirā naam bhī likhā huā hai

rone se hijr-e-yār meñ taskīn ho ga.ī
dil kā buḳhār dīda-e-tar se nikal gayā

mushkil hai ai 'sabā' pa karo jabr iḳhtiyār
hai ḳhair dil jo ishq ke shar se nikal gayā

ahd-e-rafta kī tamannā kā fusūñ zinda hai
dil-e-nākām abhī tak tirī har dhaḌkan meñ

gulzār-e-hast-e-būd na begāna-vār dekh
hai dekhne kī chiiz ise baar baar dekh

hāthoñ meñ liye dil ke nazrāne nazar aa.e
yuuñ bhī tirī rāhoñ meñ dīvāne nazar aa.e

us ne shajar-e-dostī ab dil se ukhāḌā
kahne se raqīboñ ke hai fitne kī bañdhī jaḌ

dil-doz nigah yaar kī hotī hai muqābil
barchhī kī anī sī mire siine meñ ga.ī gaḌ

dil ke bechain jazīroñ meñ utar jā.egā
dard aahoñ ke muqaddar kā pata lā.egā

vaqt ḳhāmosh hai TuuTe hue rishtoñ kī tarah
vo bhalā kaise mire dil kī ḳhabar pā.egā

dil mirā aaj jafāoñ pe bahut nāzāñ hai
mere hoñToñ pe tabassum hī nazar aa.egā