Tags-Dil

koī sharīk-e-ġham nahīñ ab tirī yaad ke baġhair
koī anīs-e-dil nahīñ ab tire naam ke sivā

is nafs-e-kāfir-kesh kī ḳhaslat tujhe ma.alūm nahiñ
gar qatl kiitā nahiñ use tujh ko mile dildār kab

ham dekheñ kis din husn ai dil us rashk-e-parī kā dekheñge
vo qad vo kamar vo chashm vo lab vo zulf vo mukhḌā dekheñge

mat dekh butoñ kī abrū ko haT yaañ se tū ai dil varna tujhe
ek aan meñ bismil kar deñge aur aap tamāshā dekheñge

dil de kar ham ne aaj use hī dekhī sūrat tevrī kī
ye shakl rahī to ai hamdam kal dekheñ kyā kyā dekheñge

ho josh sidq-e-dil meñ to rāhat baġhal meñ ho
qaa.em ye āsmān rahe yā zamīñ nahīñ

ḳhūn-e-dil-o-jigar se ise sīñch ai aziiz
kisht-e-vatan hai ye koī kisht-e-javīñ nahīñ

dāġh-e-ġham-e-vatan hai nishān-e-azīz-e-ḳhalq
dil par na jis kā naqsh ho ye vo nagīñ nahīñ

ghar-bār terā par tū kisī chiiz ko na chheḌ
ye baat to harīfoñ kī kuchh dil-nashīñ nahīñ

kyā jaane dil jigar ko mire jo ye kah gayā
dāman bhī taar taar nahīñ āstīñ nahīñ

dil kī nādānī to dekho kyā kyā armāñ rakhtā hai
jaise davām kā ā.īna ho lamhoñ kī girtī dīvār

ziist sahī ik tiira shabistāñ lekin yaaro shola-e-shauq
ik do nafas to aisā bhaḌkā tūr-misāl thā dil kā dayār

hanūt silsile rakkhe hue ḳhayāloñ ke
ajā.ibāt haiñ dil meñ parī jamāloñ ke

dil ne paḌhā sabaq tamām buud to hai qalaq tamām
haañ mirā naam rañj hai haañ tirā naam rañj hai

kabhī bhulā na sakā dil-shikastagī apnī
juḌā to juḌ ke bhī us aa.ine meñ baal rahā

ġhamoñ ko haavī na hone diyā kabhī dil par
shab-e-firāq bhī zikr-e-shab-e-visāl rahā

kab tak kareñge jabr dil-e-nā-subūr par
muusā to jā ke baiTh rahe koh-e-tūr par

ghar kar ga.iiñ na dil meñ mirī ḳhāksāriyāñ
nāzāñ the aap bhī bahut apne ġhurūr par

kuchh shoḳhiyoñ ke rañg bhī betābiyoñ meñ haiñ
kis kī nazar paḌī hai dil-e-nā-subūr par

zāhid kī tarah ham ko bhī jannat kī hai talāsh
apnā bhī aa gayā hai dil ik rashk-e-hūr par