Tags-Dil

manziloñ se guzar ke bhī 'sāhir'
dil kā maqsūd justujū hogā

marqad-e-kushta pe jab ā.iyegā
dil meñ kuchh soch ke pachhtā.iyegā

mere kahne meñ nahīñ hai dil-e-zār
aap hī kuchh use samjhā.iyegā

daulat-e-vasl hai qīmat dil kī
aage kuchh aap bhī farmā.iyegā

mire lahū meñ utar ā.eñge na.e mausam
chunī hai dil meñ jo dīvār sī vo Dhaa.e use

ye dil jo mere siine meñ bajtā hai rāt-din
vo dard sah chukā hai ki jo muḳhtasar na thā

the andarūn-e-zāt ka.ī laakh hādsāt
lekin tumhārī yaad se dil be-ḳhabar na thā

kyā ḳhabar thī ai nigār-e-sher tere ishq meñ
dilbarān-e-shahr ke dildār ban jā.eñge ham

jab shaam huī dil ghabrāyā log uTh ke barā.e sair chale
taftīsh-e-sanam ko sū-e-haram ham jaan ke dil meñ dair chale

ham samjhe the yaañ ā.eñge din thoḌā hai rah jā.eñge
par dil kī hasrat dil meñ rahī jab sū-e-makān-e-ġhair chale

go rañj-e-judā.ī hai dil par be-vaqt hai ye daur-e-sāġhar
baiThe haiñ 'habīb' ahbāb magar ab tum bhī kah do ḳhair chale

dil se nāzuk shai se kab tak ye harīfāna sulūk
dekh shīsha TuuTā jaatā hai tirī tasvīr kā

hai mustaqil yahī ehsās kuchh kamī sī hai
talāsh meñ hai nazar dil meñ bekalī sī hai

kisī bhī kaam meñ lagtā nahīñ hai dil merā
baḌe dinoñ se tabī.at bujhī bujhī sī hai

roz-e-jazā gila to kyā shukr-e-sitam hī ban paḌā
haa.e ki dil ke dard ne dard ko dil banā diyā

mīThī bāteñ, kabhī talḳh lahje ke tiir
dil pe har din hai un kā karam bhī nayā

dil ke ujaḌte hī āñkhoñ ne haif ye aalam dekh liyā
jalva sar-e-rah koī nahīñ hai koī ba-rū-e-bām nahīñ

dil kā ronā dil kā khonā laakh azāb-e-alīm sahī
himmat haar ke baiTh hī jaa.eñ ham aise nākām nahīñ

ye kyā ki sab se bayāñ dil kī hālateñ karnī
'farāz' tujh ko na aa.iiñ mohabbateñ karnī

ham apne dil se hī majbūr aur logoñ ko
zarā sī baat pe barpā qayāmateñ karnī