Tags-Dil

hāl-e-dil yaar ko likhūñ kyūñkar
haath dil se judā nahīñ hotā

dasht-e-zulmat hai mujhe shahr-e-nigārāñ 'naushād'
hāl-e-dil mujh se sitāroñ kī ziyā pūchhtī hai

lailā ke dil meñ qais nikal aa.egī jagah
tū sar par aaj najd kā jañgal uThā to lā

vo husn-e-vaz.a dekheñge kyūñkar juḌe haiñ dil
zar-gar na.ī banī hai jo haikal uThā to lā

kyuuñ dil kī aag le na ḳhabar duur duur kī
kaundī hai har dimāġh meñ bijlī futūr kī

bechain kahāñ dil-e-sāmāñ yāqūb kā hai maqāl
jins-e-vafā kā hai kaal kan.ān meñ haT-tāl hai

dil nazar jis ne kiyā Thukrā ke us ne kahā
letī hai merī balā dargor kyā maal hai

har-dam na dekh us ke baal sar par na le ye vabāl
jī ko balā meñ na Daal ai dil ye janjāl hai

raftār kahiye use dil har qadam par pise
pūchhe koī kabk se sadqe ajab chaal hai

kyā kahiye kyā ġham sahā din-rāt rotā rahā
dil ḳhuun ho kar bahā rañgīn rūmāl hai

ye aalam nuur kā hai jalva-e-dāġh-e-mohabbat se
nahīñ kuchh farq mere dil meñ aur ḳhurshīd-e-manzil meñ

na duur dil se kabhī tū jaanā dil-o-jigar meñ maqām kar ke
piyāla-e-ishq ulaT na denā ai sāqiyā mai-ba-jām kar ke

jahān-e-dil kī is iztirārī se bāhar aa kar chalo chaleñ 'shād'
ḳhushī kī mahfil ko phir sajā.eñ udāsiyoñ ko harām kar ke

sūrat-e-naġhma-e-jāñ ai 'rūhī'
maiñ tire dil meñ utarnā chāhūñ

tum aao to ghar ke saare diip jalā duuñ lekin aaj
merā jaltā dil hī akelā diip hai mere āñgan kā

dildār kī galī meñ mukarrar ga.e haiñ ham
ho aa.e haiñ abhī to phir aa kar ga.e haiñ ham

gulshan-e-ḳhuld meñ har-chand ki dil bahlāyā
kūcha-e-yār magar dil se bhulāyā na gayā

ik huuk sī jab dil meñ uTThī jazbāt hamāre aa pahuñche
alfāz jo zehn meñ mauzūñ the hoñToñ ke kināre aa pahuñche

hālāt ġham-e-dil kah na sake aur dard-e-darūñ bhī sah na sake
aañsū jo hisār-e-chashm meñ the palkoñ ke sahāre aa pahuñche