Tags-Dil

ātish-e-ġham se banāyā hai mire siine meñ
dil ko añgāre kī mānind dahakne ke liye

bache kam-baḳht vo dil kyūñki bhalā jis dil ke
musta.id ho nigah-e-shoḳh uchakne ke liye

rahm ai chashm banāyā hai kahīñ kyā dil ko
qatra-e-ashk ho mizhgāñ se Tapakne ke liye

'aish' batlā to banā hai dil-e-hairāñ terā
misl-e-ā.īna ye kis shakl ke takne ke liye

dil huā vīrāñ matā-e-chashm-e-nam jaatī rahī
rafta rafta shorish-e-tab-e-alam jaatī rahī

sabr ho saktā hai kab ham se vale maslahatan
āzmā.ish dil-e-betāb kī kar dekheñ to

kis dilerī se kare hai tū fidā jaan us par
dil-e-jāñ-bāz tirā ham bhī hunar dekheñ to

ġhazal kahe pe bhī sochoñ kā bojh kam na huā
sakūñ na mil sakā ahvāl-e-dil sunā kar bhī

male hai paañv se apne vo lāla-rū har-dam
ye martaba to dil-e-dāġh-dār kā pahuñchā

ḳhāmosh tajallī kī fitrat maiñ samajhtā huuñ
kyuuñ ḳhirman-e-dil se hī ai barq-e-adā uljhī

dil meñ tirī yādoñ ne vo bijliyāñ chamkā.īñ
āñkhoñ se marī aa kar sāvan kī ghaTā uljhī

simTā tirā ḳhayāl to dil meñ samā gayā
phailā to is qadar ki samundar lagā mujhe

jazba-e-dil ne mire tāsīr dikhlā.ī to hai
ghuñgrūoñ kī jānib-e-dar kuchh sadā aa.ī to hai

jab kahā maiñ ne taḌaptā hai bahut ab dil mirā
hans ke farmāyā taḌaptā hogā saudā.ī to hai

dil dhaḌaktā hai mirā luuñ bosa-e-ruḳh yā na luuñ
niiñd meñ us ne dulā.ī muñh se sarkā.ī to hai

maiñ balā meñ kyuuñ phañsūñ dīvāna ban kar us ke saath
dil ko vahshat ho to ho kambaḳht saudā.ī to hai

ḳhaak meñ dil ko milāyā jalva-e-raftār se
kyuuñ na ho ai naujavāñ ik shān-e-ra.anā.ī to hai

aisā ek maqām ho jis meñ dil jaisī vīrānī ho
yādoñ jaisī tez havā ho dard se gahrā paanī ho

va.ada kar ke jab vo na aayā sair-e-chaman ko dil ne kahā
raat ga.ī chal baaġh se ab ghaḌiyāñ to ka.ī ġhamgīn bajīñ

zamāna kyā dekhiye dikhā.e na jaane kyā inqilāb aa.e
falak ke tevar haiñ ḳhashm-gīñ se zamīñ ke dil meñ ġhubār sā hai