Tags-Dil

kuchh aaj aisī hī jī pe guzrī dabī huī thī jo choT ubhrī
jise sambhāle huā thā dil meñ vo naala be-iḳhtiyār sā hai

dhuāñ kaleje se mere niklā jalā jo dil bas ki rashk khā kar
vo rashk ye thā ki ġhair se Tuk hañsā thā chanchal misī lagā kar

laTak meñ bandoñ kī dil jo aave to ḳhair bande hī us ko le leñ
vagarna aave to phir na chhoḌe udhar se baalā jhamak dikhā kar

sune kisī ke na dard-e-dil ko vagar sune to jhiḌak ke us ko
ye saaf kah de to kyā balā hai jo sar phirātā hai nāhaq aa kar

justujū phir koī dil meñ rasta banā
phir se nākāmiyoñ kā vahī zaḳhm de

tū mujhe zindagī kā qarīna sikhā
mujh pe ehsān kar dil-lagī zaḳhm de

ham un ko hāl-e-dil apnā sunā.e jaate haiñ
vo baiThe sunte haiñ aur muskurā.e jaate haiñ

dil se vo jalva-gah-e-nāz to kuchh duur nahīñ
sīna-e-shauq meñ ik jazba-e-bedār to ho

nām-e-mahbūb pe be-tāb nazāre hoñge
sajda-e-gāh-e-dil-o-jāñ kūcha-e-dildār to ho

maiñ ne dil-e-be-tāb pe jo jabr kiyā hai
ḳhuuñ ho ke merī āñkhoñ se ab chhūT bahā hai

zulf meñ us kī bahut rah ke na itrā.īyo dil
mujh se kitne hī mirī jaan yahāñ jhuul ga.e

dil-e-insāñ agar shā.ista-e-asrār ho jaa.e
lab-e-ḳhāmosh-fitrat hī lab-e-guftār ho jaa.e

mirā dil hai dasht-e-ġham jahāñ kabhī aa ke sair to kījiye
ye junūñ junūñ kī musāfirat ye vatan vatan kī udāsiyāñ

koī ai 'shamīm' kahe zarā ye udaas shā.ir-e-vaqt se
ki hayāt-e-dil ko bujhā na deñ kahīñ fikr-o-fan kī udāsiyāñ

ai dil-e-shikva-sanj kyā guzrī
kis liye hoñT rah ga.e sil ke

ishq meñ phir sukūn kaise ho
dil jab aisā ho bad-gumāñ apnā

dil phaḌak jā.egā vo shoḳh jo ḳhandāñ hogā
apne ḳhirman ko na is barq se nuqsāñ hogā