Tags-Dil

baḌe salīqe se duniyā ne mere dil ko diye
vo ghaao jin meñ thā sachchā.iyoñ kā charkā bhī

nādān dil-fareb mohabbat na khā kabhī
duniyā meñ kis ne kī hai kisī se vafā kabhī

ai dil ye merā husn-e-samā.at na ho kahīñ
tū ne bhī kyā sunī hai vo āvāz-e-pā kabhī

'rif.at' ġhamoñ kī tez havāoñ ke bāvajūd
ham ne charāġh dil kā na bujhne diyā kabhī

hāl-e-dil sun ke mirā sar-ba-garebāñ kyuuñ haiñ
jo kiyā aap ne ab us pe pashemāñ kyuuñ haiñ

merī har sa.ī-e-vafā ho ga.ī be-kār magar
dil meñ phir bhī mire baḌhte hue armāñ kyuuñ haiñ

but-e-ġhuncha-dahan pe nisār huuñ maiñ nahīñ jhuuT kuchh is meñ ḳhudā kī qasam
mirā tā.ir-e-dil isī qaid meñ hai mujhe zulf ke dām-e-balā kī qasam

nahīñ bhātā mujhe koī rashk-e-parī koī laakh hasīñ ho balā se mirī
mirā dil tirā āshiq-e-shefta hai mujhe tere hī nāz-o-adā kī qasam

mire dil ko zarā nahīñ tāb-o-ta.ab ki uThā.ūñ tumhārā ye qahr-o-ġhazab
mire qatl meñ der na chāhiye ab tumheñ apne hī jaur-o-jafā kī qasam

ye ġhalat hai ai dil-e-bad-gumāñ ki vahāñ kisī kā guzar nahīñ
faqat is liye ye hijāb hai ki kisī ko tāb-e-nazar nahīñ

kisī aah meñ nahīñ soz jab kisī naale meñ jab asar nahīñ
ye kamāl-e-sozish-e-dil nahīñ ye faroġh-e-dāġh-e-jigar nahīñ

kabhī vaqt-e-nāz-o-niyāz hai kabhī mahv-e-zulf-e-ayāz hai
magar us pe bhī dil-e-ġhaznavī karam-āshnā-e-nazar nahīñ

na vo soz hai na vo saaz hai na vo dil ḳhazāna-e-rāz hai
vo sharar huuñ jis meñ dhuāñ nahīñ vo hajar huuñ jis meñ sharar nahīñ

nazar us kī hai mirī samt abhī mirā dāman-e-goharīñ na dekh
abhī ḳhūn-e-dil hai rukā huā abhī āñsuoñ se ye tar nahīñ

yahī manzileñ haiñ vo manzileñ ki jahannam un se panāh le
dil-e-nā-shanās-e-rah-e-vafā mujhe koī ḳhauf-o-ḳhatar nahīñ

ye haiñ daar terī nigāh ke kisī nā-tavāñ se rukeñge kyā
dil-e-dāġh dāġh-e-'azīz' hai sitam-āzmā ye sipar nahīñ

use to ḳhvāb kisī aur ke suhāne lage
hamāre dil se nikalte jise zamāne lage

hamāre dil meñ na.e ḳhauf sar uThāne lage
parinde jab bhī kahīñ ghoñsle banāne lage

na vo parvāz kī quvvat na vo dil kī umañg ab hai
huī muddat chaman chhūTe qafas hai āshiyāñ apnā

furqat kī shab meñ aaj kī phir kyā jalāveñge
dil kā diyā thā ek so kal hī jalā diyā