Tags-Dil

badan meñ dil thā muallaq ḳhalā meñ nazreñ thiiñ
magar kahīñ kahīñ siine meñ dard zinda thā

ravāñ hai qāfila-e-irtiqā-e-insānī
nizām-e-ātish-o-āhan kā dil hilā.e hue

gayā vo vaqt jab milte the aapas meñ mohabbat se
diloñ meñ ab se ai 'sājid' ḳhulūs-e-dil kahāñ baaqī

koī aahaT koī āvāz koī chaap nahīñ
dil kī galiyāñ baḌī sunsān haiñ aa.e koī

hai haqīqat yahī ki har chehra
dil kā ā.īna-dār hotā hai

ai mire dil sukūñ sukūñ hai magar
intishār intishār hotā hai

dil-jūī kar rahā hai bahut der se tabīb
kyā āḳhirī davā hai ye bīmār ke liye

mere dil-e-tabāh meñ itnī jagah kahāñ
us ne jagah nikālī hai dīvār ke liye

aks-e-ruḳh kaisā yahāñ kuchh bhī nahīñ hai dil meñ
ham ko shādāb na kar hausla tūfānī de

dhyān dhartī kā nikaltā hī nahīñ hai dil se
jab se utre haiñ sitāre meñ bahut sochte haiñ

mast añkhiyāñ kā dekh dumbāla
dil mirā ho gayā hai matvālā

ashk dariyā naman nayan siiñ chaleñ
jab karūñ dard-e-dil satī naala

bul-havas dil kī tarah har rañg hai sarf-e-shikast
laala o gul meñ bhī rañg-e-der-pā miltā nahīñ

roiye ronā zamāne kā to 'kaifī' kis ke paas
koī is dil ke sivā dard-āshnā miltā nahīñ

apne dil meñ juz tire maiñ bhī samā saktā nahīñ
merā har har saañs hai zanjīr-e-dar mere liye

dahshat us lamhe kī dil meñ itnī hai
aksar hī vo lamha Dar meñ aatā hai

tirā jamāl tirā husn kāmgār rahe
vo kyā kare na jise dil pe iḳhtiyār rahe

kisī maqām pe dil ko sukūñ ho kyā ma.anī
jo be-qarār-e-azal hai vo be-qarār rahe

ye fareb-e-jalva hai sar-ba-sar mujhe Dar ye hai dil-e-be-ḳhabar
kahīñ jam na jaa.e tirī nazar inhīñ chand naqsh o nigār par

dil kī dhaḌkan ab rag-e-jāñ ke bahut nazdīk hai
raat be-āvāz be-andāz be-tahrīk hai