Tags-Dil

dil bevafā ke haath na bechegā bā-vafā
tum se nahīñ banegā ye saudā hī aur hai

allāh dil na tum ko taḌaptā huā dikhā.e
dekhā na jā.egā ye tamāshā hī aur hai

jalva-farosh aap haiñ maiñ dil-farosh huuñ
aisoñ se kyā banegā ye saudā hī aur hai

TukḌe haiñ dil jigar ke 'mubārak' ki sher haiñ
ġhazloñ kā aap kī to safīna hī aur hai

ek phañsī hī zulfoñ meñ ik chāh-e-zaqan haiñ Duubī hai
diida o dil meñ phuuT paḌī hai ghar ko Dubā.e dete haiñ

dil hī meñ nahīñ rahte āñkhoñ meñ bhī rahte ho
tum duur bhī rahte ho to duur nahīñ hote

paḌtī haiñ abhī dil par sharmā.ī huī nazreñ
jo vaar vo karte haiñ bharpūr nahīñ hote

aa.ina pyaar kā ik aks tirā māñge hai
dil bhare shahr meñ bas terī sadā māñge hai

ye but hirs-o-havā ke dil ke jab ka.aba meñ toḌūñgā
tumhārī sub.ha meñ kab shaiḳh-jī zunnār chhoḌūñgā

ye gard-e-kudūrat se pas-e-marg thā dil saaf
dhabbā na lagā ḳhaak kā bhī mere kafan meñ

sher ke parde meñ maiñ ne ġham sunāyā hai bahut
marsiye ne dil ke mere bhī rulāyā hai bahut

vā nahīñ hotā kisū se dil girafta ishq kā
zāhiran ġhamgīñ use rahnā ḳhush aayā hai bahut

sīnoñ meñ dil yuuñ jaise chashm-e-āz-e-sayyād
taaza ḳhuuñ ke pyāse afrañgī mardān-e-rād

tirī tahārat ko shaiḳh kah tū kahāñ se laa.eñ ik āb-e-jū ham
tavāf-e-dil kā hai qasd ham ko kareñ haiñ aañsū se nit vazū ham

baaġh meñ jab ki vo dil ḳhūñ-kun-e-har-gul pahuñche
bilbilātī huī gulzār meñ bulbul pahuñche

dil bhī le kar alam-e-āh muqābil pahuñchā
neza-bāzān-e-mizha jab ba-taġhāful pahuñche

dard-o-ġham yās-o-alam soz-e-dil o dāġh-e-jigar
tohfe jo aap ne bheje hameñ bilkul pahuñche

sañg-e-dushnām ko gauhar jaanā
ham ne dushman ko bhī dilbar jaanā

qarz hai aur phir hamārā dil
ādatoñ se judā nahīñ hotā

ik ḳhalish sī rahī kahīñ dil meñ
hijr jab bhī visāl tak pahuñchā