Tags-Dil

mahfil meñ sab ke sāmne dād-e-ġhazal na de
yuuñ dil hī dil meñ shauq se lutf-e-kalām le

jis ne kabhī ḳhulūs bhī māñgā na ho tirā
is ahl-e-dil kā naam ba-sad-ehtirām le

ab ġham-e-dil kā safīna hai ki dariyā māñge
aur ye ronā hai ki aañsū bhī nahīñ āñkhoñ meñ

ruḳh hī badal diyā hai ġham-e-rozgār kā
ye hausla hai kis ke dil-e-be-qarār kā

ai mere ishq tū hī batā kyā javāb duuñ
vo haal pūchhte haiñ dil-e-be-qarār kā

tamām umr ke aañsū use bujhā na sake
jo dil se tā-ba-jigar dam-zadan meñ aag lagī

dil o nazar meñ jo bas jaa.e dil-rubā Thahre
ki dilrubā.ī koī zaat thoḌī hotī hai

us ke pyaar kī būñdeñ Tip Tip dil meñ girtī rahtī haiñ
narm gudāz o shoḳh o chanchal aur maiñ likhtā jaatā huuñ

mudda.ā girya se kuchh ishq kā iz.hār nahīñ
kyā kahūñ tum se ki kahne meñ dil-e-zār nahīñ

muddateñ ho ga.iiñ bichhḌe hue tum se lekin
aaj tak dil se mire yaad tumhārī na ga.ī

aa dikhāte haiñ tujh ko apnā aap
aur dil khol kar dikhāte haiñ

aa karāte haiñ sair-e-dil tujh ko
aa tujhe bahr-o-bar dikhāte haiñ

sa.ādat hai jo ban jaa.eñ jahāñ meñ
kisī majbūr dil kā aasrā ham

divāne dil kuuñ samjhātā huuñ lekin
kahāñ lag ho.e koī haa.il kisī kā

huā hai dil-dahī kā tum pe tāvāñ
nahīñ āsān lenā dil kisī kā

kiyā yak vaar meñ ka.ī dil kī phāñkeñ
lagā hai haat kyā kāmil kisī kā

kaho us lāla-e-gulzār-e-jāñ kuuñ
kabhī to dekh dāġh-e-dil kisī kā

'sirāj' ab soz-e-dil merā vo jaane
jo hai parvāna-e-mahfil kisī kā

havas gustāḳhī-e-ā.īna taklīf-e-nazar-bāzī
ba-jeb-e-ārzū pinhāñ hai hāsil dilrubā.ī kā

na paayā dardmand-e-dūrī-e-yārān-e-yak-dil ne
savād-e-ḳhatt-e-peshānī se nusḳha momyā.ī kā