Tags-Dil

dil kā ik ik zaḳhm ginā
dil bahlāne vāloñ ne

mirī jab bhī nazar paḌtī hai tujh par
mirī gulfām jān-e-dilrubā.ī

jalan dil kī likkheñ jo ham dil-jale
zabān-e-qalam meñ paḌeñ aable

rah-e-sa.ab-e-ulfat meñ ghabrā na dil
bahut aise pesh ā.eñge marhale

rahe dil ke armān sab dil meñ haif
nikalne na paa.e mare hausle

gaḌā koī le kar dil-e-muztarib
mazāroñ meñ aane lage zalzale

mohabbat butoñ kī ye dil chhoḌ de
kisī tarah chhātī se patthar Tale

kiye jaa.e kāvish palak yaar kī
abhī dil ke phūTe nahīñ aable

vo jab se aa ga.e mehmān ban ke ā.ankhoñ meñ
ham apne dil ke khañDar ko makāñ samajhne lage

is meñ ai ahl-e-vatan raa.e tumhārī kyā hai
kahtī hai vahshat-e-dil ghar se nikal jaane ko

dil sulagte raheñ parvā nahīñ hotī kuchh unheñ
sham.a achchhī ki jalā detī hai parvāne ko

hai baḌī chiiz lagī dil kī ḳhudā jas ko de
aag meñ kuud paḌā dekhiye parvāne ko

koī aisī bhī hai sūrat tire sadqe saaqī
rakh luuñ maiñ dil meñ uThā kar tire mai-ḳhāne ko

but-e-pindār ko toḌo to ho dil paak 'jalīl'
tum ḳhudā-ḳhāna banāo isī but-ḳhāne ko

dekhā na gayā us se taḌapte hue dil ko
zālim se jafākār huā bhī nahīñ jaatā

jis dil pe kisī kī nigah-e-lutf paḌī thī
baiThe haiñ 'surūr' us ko kaleje se lagā.e

din nikalte hī sitāroñ ke safīne Duube
dil ke bujhne kā sabab mauj-e-tarab se pūchho

shab kahā maiñ ne us se mirā dil zulf kā terī banda hai
kyuuñ use tū ne qaidī-e-dām-e-sumbul-e-mushkīñ-fām kiyā

chīñ-ba-jabīñ ho bolā duur ho tujh ko hai saudā dīvāne
chhūTne kā kyuuñ us ke tū ne dil meñ ḳhayāl-e-ḳhām kiyā

aarzū yak bosa kī rakhtā dil meñ 'jahāñdār' ai pyāre
la.al-e-lab-e-shīrīñ se tum ne par na kabhū in.aam kiyā