ḳhud-fahmī kā armāñ hai tārīkī meñ rū-posh
tārīkī ḳhud be-chashm-o-gosh!
sīnoñ meñ dil yuuñ jaise chashm-e-āz-e-sayyād
taaza ḳhuuñ ke pyāse afrañgī mardān-e-rād
dariyā ke do sāhil haiñ aur donoñ hī nāpaid
shar hai dast-e-siyah aur ḳhair kā hāmil rū-e-safed
sab paimāne be-sarfa jab sīm-o-zar mīzān
jab zauq-e-amal kā sar-chashma be-ma.anī hizyān
ye sab ufuqī insān haiñ ye un ke samāvī shahr
kyā phir un kī kamīñ meñ vaqt ke tūfāñ kī ik lahr?