Tags-Dil

mohabbateñ bhī likhī huī haiñ adāvateñ bhī likhī huī haiñ
kitāb-e-dil meñ to jiine marne kī muddateñ bhī likhī huī haiñ

maiñ ne ibādatoñ ko mohabbat banā diyā
āñkheñ butoñ ke saath rahīñ dil ḳhudā ke saath

kis qaht-e-etibār se guzre haiñ ahl-e-dil
rañg-e-vafā bhī uḌ gayā rañg-e-hinā ke saath

yaad ke is khañDar meñ aksar ham
apne dil kā surāġh paate haiñ

kyuuñ na ho.e dil jal ke ḳhākistar naman
ātishīñ-rū kī mohabbat aag hai

ai dil us ke zahr señ vasvās kar
zulf niiñ hai balki kaalā naag hai

varaq-e-dil pe abhī naqsh hai shab-nāma-e-ġham
phir bhī har sub.h ko ham sub.h-e-hasīñ jānte haiñ

dil ko bhī ġham kā salīqa na thā pahle pahle
us ko bhī bhūlnā achchhā lagā pahle pahle

zabt-e-fariyād kī be-sūd tavaqqo dil se
zarf kyuuñ dekhiye TuuTe hue paimāne kā

merā miTnā nahīñ āsān mohabbat kī qasam
maut hai naam tire dil se utar jaane kā

ab us galī meñ hai kyā intizām ke laa.eq
to phir risāla-e-dil ko kareñ ravāna bhī kyā

maiñ nau-niyāz huuñ mujh se hijāb hī aulā
ki dil se baḌh ke hai merī nigāh be-qābū

mujhe de ke dil jaan khonā paḌā hai
ġharaz haath donoñ se dhonā paḌā hai

maiñ paatā nahīñ dil ko siine meñ apne
ka.ī din se ḳhālī ye konā paḌā hai

ab dil bujhā bujhā hai mujhe maar dījiye
jiine meñ kyā rakhā hai mujhe maar dījiye

dil ke maraz kā ab nahīñ duniyā meñ kuchh ilaaj
ye ishq-e-lā-davā hai mujhe maar dījiye

ai jān-e-dil-bahār terī be-ruḳhī ke baad
ab mere paas kyā hai mujhe maar dījiye

āb-o-gil ġhuncha-o-gul dīda-o-dil shams-o-qamar
kin hijāboñ meñ tirī parda-darī dekhī hai

sulag rahī haiñ dil-o-jāñ kī kā.enāteñ aur
laboñ kī oT meñ sho.ala chhupā.e rakkhā hai

zabāñ pe shorish-e-harf-e-shikāyat-e-jānāñ
ināyatoñ kā tah-e-dil meñ shor barpā hai