Tags-Dil

jāgtī aañkh se jo ḳhvāb thā dekhā 'anvar'
us kī ta.abīr mujhe dil ke jalāne se milī

farhat-ehsās apnī miTTī kā dhaḌaktā dil sambhāl
ba.ad marne ke jo tujh ko zindagī darkār hai

dil kī dhaḌkan se laraztā hai badan
apnī vahshat meñ khañDar boltā hai

zindagānī kī haqīqat kohkan ke dil se pūchh
jū-e-shīr o tesha o sañg-e-girāñ hai zindagī

ham kahīñ jaa.eñ banā leñge jagah apne liye
ham ko aatā hai hunar dil meñ utar jaane kā

dil kī jo na kahiye to zabāñ kāshif-e-asrār
aur dil kī jo kahiye to zabāñ kuchh bhī nahīñ hai

dil vāloñ ko dil vāloñ se hai harf-o-hikāyat
zāhir meñ mohabbat kā nishāñ kuchh bhī nahīñ hai

haal apnā har ik se chhupāte rahe zaḳhm khāte rahe muskurāte rahe
terī tash.hīr ham ne gavārā na kī dard-e-dil ham tirā haq adā kar chale

choT jo bhī paḌī Thiik dil par paḌī us pe bhī ham ne tark-e-talab to na kī
ham to miT ke bhī ai gardish-e-āsmāñ tere shāne se shāna milā kar chale

mujhe tere tasavvur se ḳhushī mahsūs hotī hai
dil-e-murda meñ bhī kuchh zindagī mahsūs hotī hai

har ek sub.h yahī dil meñ huuk uThtī hai
hameñ bhī naaz se koī jagāne vaalā ho

chalūñ to saath chale aur rukūñ to saath na de
qadam qadam pe koī dil baḌhāne vaalā ho

jo maiñ fail ho gayā to sabhī de rahe haiñ ta.ane
koī dil-navāz hotā koī ġham-gusār hotā

mujhe aaj itnī nafrat se na dekhtī ye duniyā
jo paḌhā.ī se zarā bhī mire dil ko pyaar hotā

rāz-e-dil faash kiyā karte ho kyā karte ho
naam se mere hayā karte ho kyā karte ho

roz iqrār-e-vafā karte ho kyā karte ho
zaḳhm-e-dil phir se harā karte ho kyā karte ho

shīsha-e-dil ke baratne kā salīqa sīkho
tum to bas toḌ diyā karte ho kyā ho

phir bevafā ko bahr-e-mohabbat samajh liyā
phir dil kī naav Duub ga.ī hai sarāb meñ

us sañg-dil ko maiñ ne pukārā to thā 'adīm'
apnī sadā hī lauT kar aa.ī javāb meñ

kabhī jigar pe kabhī dil pe choT paḌtī hai
tirī nazar ke nishāne badalte rahte haiñ