Tags-Dil

dil-e-nā-subūr ko phir vahī but-e-bevafā kī talāsh hai
ġham-e-ibtidā to uThā chukā ġham-e-intihā kī talāsh hai

kisī be-vafā kā gila bhī hai kisī bā-vafā kī talāsh hai
ye fareb-e-shauq ki dil ko phir kisī āshnā kī talāsh hai

jo mile bhī ḳhizr to ab kahūñ ki salām āb-e-hayāt ko
na vo dil ko zauq-e-talab rahā na vo rahnumā kī talāsh hai

dil nā-sazā ko ye chāhtā huuñ ki chaah meñ kahīñ Daal duuñ
use hai gunāh kī justujū to mujhe sazā kī talāsh hai

ye faisla mujhe karnā hai ThanDe dil se 'razā'
nahīñ badaltā zamāna to jaan de duuñ kyā

kuchh hājat-e-kabāb nahīñ kaif-e-ishq meñ
sīḳheñ dil-o-jigar kī lagīñ haiñ alaav par

gul-gasht kī havas chamanistāñ kī aarzū
ai be-qarāriyo mire dil ko lagāv par

gūñjtī thiiñ jab tumhārī yaad kī ḳhāmoshiyāñ
dil ke vīrāne nagar meñ jāgtā koī na thā

ye dār-o-rasan zeb-e-gulū kaun karegā
jān-o-jigar-o-dil ko lahū kaun karegā

huā hai ishq meñ kam husn-e-ittifāq aisā
ki dil ko yaar to dil yaar ko pasand huā

mire ash.ār ai 'iqbāl' kyuuñ pyāre na hoñ mujh ko
mire TuuTe hue dil ke ye dard-añgez naale haiñ

dil se agar kabhī tirā armān jā.egā
ghar ko lagā ke aag ye mehmān jā.egā

bā-vasf-e-zabt-e-rāz mohabbat hai āshkār
uqda hai dil kā aqd-e-surayyā kaheñ jise

ram-sheva hai sanam to hai ram-āshnā ye dil
hāsil hai mujh ko aish muhayyā kaheñ jise

jaltā hai mire dil meñ paḌā daaġh kī sūrat
jo chāñd sar-e-arsh nikalne ke liye thā

dil meñ mire chuTkī lī aisī hai ki dard uTThā
ma.aqūl che ḳhush ai vaah aap is ko adā samjhe

na falsafī se na mullā se hai ġharaz mujh ko
ye dil kī maut vo andesha o nazar kā fasād

faqīh-e-shahr kī tahqīr kyā majāl mirī
magar ye baat ki maiñ DhūñDtā huuñ dil kī kushād

mirī ġhazal hai mirī kaifiyat kā ā.īna
ab aur hāl-e-dil-e-zār kyā sunā.ūñ tumheñ

mujhe yaqīñ hai ki tasvīr un kī pāoge
maiñ 'ehtishām' jo dil chiir ke dikhā.ūñ tumheñ