Tags-Dil

vo ek dal jo kaḌī dhuup meñ jhulastā thā
use bhī sāya-e-zulf-e-butāñ ne yaad kiyā

dil TuuTā to 'mīt' samajh meñ ye aayā
ishq vafā sab ek pahelī niklī hai

aa gayā dil jo kahīñ aur hī sūrat hogī
log dekheñge tamāshā jo mohabbat hogī

ilāhī zindān-e-ġham se paave na jīte-jī vo kabhī rihā.ī
ki jis ke bahkā.e se ab us ne dil apnā ham se phañsā chhuḌāyā

aa gayā jab aa gayā un ko ḳhayāl-e-iltifāt
apne shauq-e-dil ko 'bazmī' nā-rasā samjhā thā maiñ

khiḌkī ne āñkheñ kholī
darvāze kā dil dhaḌkā

dil kī andhī ḳhandaq meñ
ḳhvāhish kā taarā TuuTā

tū ham ko uThā lījiyo us vaqt ilāhī
jis vaqt uThe pahlū se dildār hamārā

'ehsāñ' tū ġhazal fārsī hī apnī kahā kar
dil reḳhta tere se hai bezār hamārā

ik taraf talab terī ik taraf zamāna hai
pūchhtā hai dil mujh se kis taraf ko jaanā hai

dushmanoñ ke ta.ane haiñ dostoñ kī tanqīdeñ
tiir saikaḌoñ haiñ aur ek dil nishāna hai

batā ai dil mire bujhte hue dil
ye kis aaseb kā saaya hai tujh par

kyā kyā na pyaas jaage mire dil ke dasht meñ
hasrat bhī ek aag hai laage jo raat bhar

sitāra aañkh meñ dil meñ gulāb kyā rakhnā
ki Dhaltī umr meñ rañg-e-shabāb kyā rakhnā

jo Duub jaanā hai ik din jazīra-e-dil bhī
to koī naqsh sar-e-sat.h-e-āb kyā rakhnā

mashġhūl kiyā chāhiye is dil ko kisī taur
le leveñge DhūñD aur koī yaar ham achchhā

jo shaḳhs muqīm-e-rah-e-dildār haiñ zāhid
firdaus lage un ko na bāġh-e-iram achchhā

tā dil-e-kīna-var meñ paa.eñ jagah
ḳhaak ho kar mile ġhubār meñ ham

is darja huā ḳhush ki Darā dil se bahut maiñ
ḳhud toḌ diyā baḌh ke tamannāoñ kā dhāgā

zavāl meñ bhī rahā dil-nashīñ nazāra mirā
mire hī saath girā TuuT ke sitāra mirā