Tags-Dil

zabān-e-bosa-e-lab de kar ai yaar
na diide dil ko lalchāyā to hotā

vo kahte ġhair se kahte par ai dil
zabāñ par mudda.ā laayā to hotā

na detā le ke dil vo par balā se
mirā dil haath meñ laayā to hotā

ik aag ġham-e-tanhā.ī kī jo saare badan meñ phail ga.ī
jab jism hī saarā jaltā ho phir dāman-e-dil ko bachā.eñ kyā

chaman khileñ haiñ pahuñch baada le ke ai saaqī
girafta-dil mujhe mat kar farāġh meñ gul ke

phirtī hai aañkh meñ ba-sad-hasrat
ab dil-e-nā-subūr kī sūrat

sadā-e-dil na kahīñ dhaḌkanoñ meñ gum ho jaa.e
ye qāfila na kahīñ rāstoñ meñ gum ho jaa.e

ye dil kā dard jo āñkhoñ meñ aa gayā hai mirī
maiñ chāhtā thā mire qahqahoñ meñ gum ho jaa.e

dil ko dil se raah hai to jis tarah se ham tujhe
yaad karte haiñ kare yuuñ hī hameñ bhī yaad tū

dil ko ham kab tak bachā.e rakhte har aaseb se
Thes āḳhir lag ga.ī shīshe meñ baal aa hī gayā

bevafā.ī se vafā kā dete vo kab tak javāb
dil hī to hai rafta rafta infi.āl aa hī gayā

kisī dastak pe merī niiñd TuuTī
magar maiñ so gayā dil hī nahīñ thā

mere dil meñ utar gayā sūraj
tīrgī meñ nikhar gayā sūraj

shikasta-e-shīsha-e-pindār kī sadā bhī sun
karam kī bhiik jab us sañg-dil se tū māñge

dilrubā kahtā hai ai yaar dulārā kahnā
ek to naam haiñ do phir tujhe kyā kyā kahnā

dard-e-dil dard-e-jigar dekhtā jā ai saaqī
kyā kahā kyā kahā phir kahnā dobāra kahnā

tirā ġham dil pe ifshā kar rahe haiñ
so dil se kār-e-duniyā kar rahe haiñ

ye zaḳhm-e-dil salāmat ham isī ko
muqaddar kā sitāra kar rahe haiñ

ik ek harf kī rakhnī hai aabrū mujh ko
savāl dil kā nahīñ hai mirī zabān kā hai

sab ga.ī bū-e-muravvat kī kal is baaġh se haif
baare dāman-kash-e-dil rah ga.e haiñ ḳhaar ka.ī