Tags-Dil

mausam-e-gul kī havā aa.ī na jis ko sāz-vār
dil hai vo pazhmurda ġhuncha ālam-e-ījād kā

yā to ab āThoñ-pahar pesh-e-nazar ho yā kabhī
dil dahal jaatā thā sun kar naam bhī sayyād kā

dekh ibrat kī nazar se ġham ke dāġhoñ kī bahār
safā-e-dil hai muraqqa.a gulshan-e-ījād kā

sañg-e-dil rote haiñ 'sho.ala' sun ke fariyādeñ mirī
mom ho jaatā hai aahoñ se jigar faulād kā

jo ruuh meñ na utar jaa.e vo jamāl nahīñ
jo dil-gudāz na kar de use hunar na samajh

nazar parakh dil-e-majrūh nashtaroñ pe na jā
har aane vaale ko tū apnā chāragar na samajh

tishnagī dil kī bujhānā to ḳhabar kar denā
ashk āñkhoñ meñ chhupānā to ḳhabar kar denā

hādse rāh-e-mohabbat kā muqaddar Thahre
jab hameñ dil se bhulānā to ḳhabar kar denā

ḳhulūs-e-dil se sajda ho to us sajde kā kyā kahnā
vahīñ ka.aba sarak aayā jabīñ ham ne jahāñ rakh dī

jaate jaate vo yahī kar ga.e tākīd 'jalīl'
dil meñ rakhiyegā hifāzat se mohabbat merī

dhaḌakte hue dil ke ham-rāh mere
mirī nabz bhī chāra-gar dekh lete

chāhī thī dil ne tujh se vafā kam bahut hī kam
shāyad isī liye hai gilā kam bahut hī kam

ḳhunkī kī ik lahar sī phailī mere zehn ke andar
dil ne mujh ko bahut satāyā bahut dinoñ ke ba.ad

dil talabgār-e-nāz-e-mah-vash hai
lutf us kā agarche dilkash hai

tujh bin ai dāġh-baḳhsh-e-sīna o dil
chaman-e-lāla dasht-e-ātash hai

zarā zarā sī shikāyat pe ruuTh jaate haiñ
nayā nayā hai abhī shauq dilrubā.ī kā

ik ḳhvāb ko āñkheñ rehn rakheñ ik shauq meñ dil vīrān kiyā
jiine kī tamannā meñ ham ne marne kā sabhī sāmān kiyā

ham ḳhaak uḌāte phirte haiñ is dasht-e-talab meñ phir ik din
iqlīm-e-junūñ us ne baḳhshī aur dil kā hameñ sultān kiyā

ab hijr kā mausam aa pahuñchā ham jaan ga.e the jab dil meñ
ik dard ne Derā Daal liyā ik dukh ne bayāñ imkān kiyā

ik umr se chup thā dil dariyā ik roz magar phir umaD paḌā
tan man sab jis meñ Duub ga.e har mauj ne vo tūfān kiyā